Պատժամիջոցները ունենալու են ծանր հետևանքներ ՌԴ-ի և նրանից կախված երկրների համար: «Առաջին լրատվական»-ի հետ զրույցում նշեց IHS ընկերության Ռուսաստանի և ԱՊՀ հարցերով ավագ վերլուծաբան Լիլիթ Գևորգյանը:
Գևորգյանի կանխատեսմամբ՝ Ռուսաստանին տնտեսական անկում է սպասվում․ «Ռուսաստանը կտրվում է արևմտյան ֆինանսական գլոբալ շուկաներից: Խոշոր ընկերություններն ընդունում են՝ ՌԴ-ում ներդրումներ անելն այլևս անիմաստ է: Ռուսաստանը դառնում է տոքսիկ երկիր․ Հայաստանին սպառնում են ուղիղ ռիսկեր»:
Գևորգյանը կարծում է, որ այս իշխանությունը իր քայլերով ավելի է ինտեգրվում Ռուսաստանի հետ․ «Հայկական կողմը խուսափում է ցանկացած թեմայից, որը ՌԴ-ի համար վատ կլինի: Չպետք է ինքներս մեզ խաբենք, պետք է գնահատենք որտեղ է գտնվում այժմ Ռուսաստանը: Հայաստանի արտաքին քաղաքականությունը հաշվի չի առնում այն փոփոխությունը, որ սկսվել է փետրվարի 24-ից»:
