Կանադան մտադիր է 288,3 մլն դոլար հատկացնել Մյանմայի ճգնաժամի կարգավորման համար։ Այս մասին ասվում է Կանադայի ԱԳ նախարար Մելանի Ջոլիի եւ միջազգային զարգացման նախարար Հարջիթ Սաջանի համատեղ հայտարարության մեջ։ «2021 թվականի փետրվարի ռազմական հեղաշրջումից հետո Մյանմայում սկսված ճգնաժամը շարունակում է բացասաբար ազդել Մյանմայի և Բանգլադեշի միլիոնավոր մարդկանց վրա»,- ասվում է հայտարարության մեջ։
Կանադան կշարունակի աջակցել արականցի մուսուլմաններին, Բանգլադեշում նրանց ընդունող համայնքներին և Մյանմայի բնակչությանը, որոնք ամենաշատն են տուժել այս ճգնաժամերից: Նախարարներն ընդգծել են, որ Կանադան պարտավորվել է, ընդհանուր առմամբ, 288,3 միլիոն դոլար հատկացնել՝ Մյանմայում ճգնաժամի կարգավորման համար: Այդ միջոցները կփոխանցվեն փուլերով՝ երեք տարվա ընթացքում:
