Վարչապետին կից տնտեսական քաղաքականության խորհուրդն հունիսի վեցին, Նիկոլ Փաշինյանի գլխավորությամբ, անդրանիկ նիստն է անցկացրել՝ տեսակապի միջոցով։
Հիշեցնենք, որ խորհուրդը բաղկացած է Հայաստանի և օտարերկրյա գիտնականներից, հասարակական գործիչներից, փորձագետներից և Հայաստանի վարչապետի որոշմամբ նշանակվող այլ անձանցից։ Պետական մարմինները նիստերին կարող են մասնակցել խորհրդի նախագահի հրավերով։
Խորհուրդը կարող է դիմել պետական, տեղական ինքնակառավարման մարմիններին և այլ կազմակերպություններին՝ իր գործունեության համար անհրաժեշտ տեղեկատվություն, վերլուծական նյութեր և այլ փաստաթղթեր ստանալու համար։
«Առաջին լրատվական»-ի հետ զրույցում խորհրդի անդամ, Բարսելոնայի տնտեսագիտական դպրոցի պրոֆեսոր Վլադիմիր Ասրիյանը նշեց , որ խորհրդի նպատակն է օգնել ՀՀ կառավարությանը մշակել ռազմավարական երկարատև ծրագիր սոցիալ-տնտեսական խնդիրների լուծման համար.
«Վարչապետին կից տնտեսական խորհրդում կան նաև օտարերկրացիներ, որոնք ցանկացել են օգնել Հայաստանին: Խորհրդի անդամները ունեն այլ երկրների մասնագիտական անդամության փորձ: Խորհրդի վերջնական նպատակը պետք է լինի ՀՀ համար մտածել երկարաժամկետ տնտեսական լուծումներ: Մտածում ենք ինչպես երկարաժամկետ հեռանկարում հասնել Հայաստանի տնտեսական աճին»
Ասրիյանը նշեց նաև, որ ցարչապետին կից տնտեսական խորհուրդը գործադիր մարմին չէ, որոշողը լինելու է կառավարությունը:
