«Մոլդովան և Ուկրաինան, Վրաստանի պես, բացարձակապես նույն ցուցանիշն ունեն՝ հեռանկարի հետ կապված։ Այս երկրներին իրականում «կանխավճարով» է կարգավիճակ տրվում». այս մասին Վրաստանի վարչապետ Իրակլի Ղարիբաշվիլին ասել է երկուշաբթի օրը՝ կառավարության նիստում։
«Մենք քաջ գիտակցում ենք, որ Ուկրաինան ծանր իրավիճակում է, նա տարածքի 20%-ն արդեն կորցրել է, և պատերազմը շարունակվում է։ Մոլդովան նույնպես ծանր վիճակում է։ Մոլդովան առաջիններից էր, որ տուժեց պատերազմից։ Սա հարևան երկիր է, ու փախստականների մեծ հոսք կար։ Դա զգալիորեն մեծացրեց ռիսկերը՝ ինչպես տնտեսության, այնպես էլ՝ անվտանգության ոլորտում»,- ասել է Ղարիբաշվիլին։
Միաժամանակ, Վրաստանի վարչապետն ընդգծել է, որ չի նախանձում ո՛չ Ուկրաինային, ո՛չ Մոլդովային, և ցանկանում է շնորհավորել ուկրաինացի և մոլդովացի ժողովրդին՝ մաղթելով խաղաղություն և միավորում։
