Մարին Լը Պենը, որը մինչեւ 2022 թվականի նախագահական ընտրությունները գլխավորում Էր «Ազգային միավորում» կուսակցությունը, հայտարարել Է, որ մտադիր չԷ վերադառնալու այդ պաշտոնին եւ իրեն կնվիրի կուսակցության խորհրդարանական խմբի կառավարմանը:
«Ես չեմ վերադառնա «Ազգային միավորման» առաջնորդի պաշտոնին: Ես կկենտրոնանամ նախագահական պարտականությունների վրա այդ շատ մեծ խմբում»,- հունիսի 20-ին ասել Է նա BFM հեռուստաալիքի եթերում:
Այսպիսով, կուսակցության գլուխ կմնա 26-ամյա քաղաքական գործիչ Ժորդան Բարդելլան, որն այդ պաշտոնում նշանակվել Է 2021 թվականի աշնանը, երբ Լը Պենը հայտարարել Էր իր լիազորությունները վայր դնելու մտադրության մասին նախագահական ընտրությունների ընտրարշավից առաջ: Նրա նշանակումը ժամանակավոր Էր եւ նախատեսված Էր մինչեւ սեպտեմբերի 10-ը:
Լը Պենը Ֆրանսիայի Ազգային ժողովում (խորհրդարանի ստորին պալատում) կգլխավորի 89 պատգամավորներից բաղկացած խումբը:
Դա կուսակցության համար ռեկորդային ցուցանիշ Է. անցյալ գումարման Ազգային ժողովում այն ներկայացված Էր սոսկ ութ պատգամավորներով: Իսկ այժմ կուսակցությունը դառնում Է գլխավոր ընդդիմադիր ուժն աջ թեւում՝ առաջ անցնելով «Հանրապետականների» կուսակցությունից, որն ունի 67 տեղ:
Բացի դրանից, ինչպես ավելի վաղ հայտարարել Է «Ազգային միավորումից» եվրապատգամավոր Տիերի Մարիվանին, ստացված ավելի քան 60 մանդատը կուսակցությանը թույլ կտան ինքնուրույն դիմել Սահմանադրական խորհուրդ երկրի հիմական օրենքին ընդունվող օրինագծերի դրույթների համապատասխանության գնահատման համար: Ֆրանսիայի Ազգային ժողովի ընտրությունների երկրորդ փուլը կայացել Է հունիսի 19-ին:
Նախագահական «Միասի՛ն» դաշինքն ստացել Է 577 տեղից 245-ը, սակայն դա բավական չԷր բացարձակ մեծամասնություն ստանալու համար, որը կառավարող դաշինքն ուներ մինչեւ այս ընտրությունները: Թվաքանակով երկրորդը դարձել Է ձախ ուժերի NUPES դաշինքը (131 տեղ), հաղորդել Է ՏԱՍՍ-ը: