Արդարադատության նախարարությունը հայտնեց, որ Քրեական նոր օրենսգրքում, որն ուժի մեջ է մտնելու հուլիսի 1-ից, չի ներառվի «Ծանր վիրավորանքի» մասին հոդվածը։ Այդ հոդվածը, որի նախագիծը մշակել էր դատախազությունը, ուժի մեջ էր մտել 2021 թվականի օգոստոսի 30-ից։Մինչև 2022 թվականի ապրիլի 1-ը հոդվածի տարբեր հատկանիշներով հարուցվել է 802 քրեական գործ, մեղադրական եզրակացությամբ դատարան է ուղարկվել 51 անձի վերաբերյալ 48 քրեական գործ, 6 անձի վերաբերյալ 6 քրեական գործով կայացվել են մեղադրական դատավճիռներ: Թեմայի շուրջ «Առաջին լրատվական»-ը զրուցել է փաստաբան Սեդա Սաֆարյանի հետ:
Սեդա Սաֆարյանը կարծում է, որ «Ծանր վիրավորանքի» ապաքրեականացումը ցույց է տալիս, որ Վենետիկի հանձնաժողովին չենք կարողացել ճիշտ ներկայացնել իրավիճակը․ ««Ծանր վիրավորանքի» նորմը ի հայտ է եկել այն իրավիճակում, որ հասարակական հարաբերությունները կարգավորելու անհրաժեշտություն կա: Ծանր վիրավորանքը ինքնին բարոյական հարթության վրա կարգավորվող իրավահարաբերություն է: Բառախաղերով ու տառախաղերով իմաստազրկեցինք ինստիտուտներ: Տպավորություն է՝ ընդդիմադիր պատգամավորների մոտ անձեռնմխելիությունը «զոնտիկ» է՝ երբ ուզեն կբացեն, երբ ուզեն կփակեն: Օրենսդրությունը արտոնություն չի սահմանում որևէ մեկի համար»:
