Սա ոչ թե կենսաթոշակը ավելացնելու նախագծ է, այլ մի քանի շղթայական փոփոխություններին աջակցող ծրագիր «Առաջին լրատվական»-ի հետ զրույցում նշեց Աշխատանքի և սոցիալական հարցերի նախարար Նարեկ Մկրտչյանը:
Նախարարի խոսքով՝ ՀՀ կառավարությունը որդեգրել է անկանխիկի քաղաքականությունը․ «Այս պահին ծրագրին միացել է երեք բանկ, որոնք դարձել են կառավարության սոցիալական պատասխանատվության գործընկերը: Անկանխիկով կա կենսաթոշակի բարձրացման էֆեկտ: Այս նախագիծը ենթադրում է անկախիկ գործարքներ, հետո գործարքների թվի 10 տոկոսի վերադարձ: Այս պահին մեր կենսաթոշակային քարտերով ստացողների թիվը 390 հազար է: Կենսաթոշակառուների անկանխիկ այս ծրագիրը գործելու է մինչև դեկտեմբեր, որից հետո կգնահատվի ծրագրի արդյունավետությունը»:
Նախարարը նաև տեղեկացրեց, որ շուտով անապահովության գնահատաման նոր համակարգ է ներդրվելու․ «Մեկ տարվա ընթացքում ճիշտ վարչարարության ընթացքում նպաստի համակարգից հանվել է 10 հազար ընտանիք: Աղքատության հստակ պատկերը ստանալու համար նոր համակարգ է ներդրվելու: Մեր նպաստառուների ցանկում կան երիտասարդներ, որոնք աշխատունակ են»: