ԱՄՆ նախկին փոխդեսպան, միջազգայնագետ Արմեն Խարազյանը չի կարծում, որ Հայաստանը կողմերի հետ քննարկում է միջանցքի հարց. «Հայաստանը չի քննարկում մի նախաձեռնություն, որտեղ ՀՀ ինքնիշխանության զիջում կլիներ»:
Ա. Խարազյանը ենթադրում է, որ Հայաստանը ամեն կերպ փորձում է այնպես անել, որ Բերձորի գործող ռեժիմն ու երկաթուղու ռեժիմները չխաչվեն:
Նրա խոսքով` Բերձորի գործող ռեժինը և Հայաստանի տարածքով անցնող երկաթուղուց Ադրբեջանի օգտվելու ռեժիմը տարբեր բաներ են:
Միջազգայնագետի խոսքով` Հայաստանը բացի Արցախի ֆիզիկական գոյության վրա ծառացած մարտահրավերից, ունի նաև պետականությանն ուղղված սպառնալիք: «Հայաստանը երկու ճակատով երեք տարբեր հակառակորդների դեմ է պայքարում»:
Անդրադառնալով Չավուշօղլու-Լավրով հանդիպմանը և արված հայտարարություններին, Խարազյանը նշեց. «Հայաստանի երկարաժամկետ շահերից չի բխում, որ «3+3» ձևաչափը իրականություն դառնա»: