Հայաստան է այցելել Եվրոպայի խորհրդի «Ժողովրդավարություն՝ իրավունքի միջոցով» եվրոպական հանձնաժողովի (Վենետիկի հանձնաժողով) նախագահ Կլեր Բազի-Մալորին: Փաստաբան Լուսինե Հակոբյանը նշում է, որ Վենետիկի հանձնաժողովի նախագահի այցը կանոնավոր չպետք է համարել․ «Սա բացառիկ այց է: Կարևոր ուղերձներ ենք լսել և Վենետիկի հանձնաժողովի նախագահից, և ՍԴ նախագահից»:
Փաստաբանի խոսքով՝ կարևոր է, որ դատական իշխանության անկախությունը չընկալվի որպես արտոնություն, այլ ընկալվի՝ անհրաժեշտություն․ «Դատական իշխանությունն է, որ ունի անկախ գործելու երաշխիքներ և պատասխանատու է ժողովրդավարության համար: Դատական իշխանությունն այսօր փողոցի ընդդիմության ազդեցության տակ է»:
Անդրադառնալով ընդդիմության՝ ԵՄ գրասենյակի դիմաց ակցիաներին և դեսպանի հասցեին հնչող քննադատությանը, փաստաբանը հիշեցրեց․ ԵՄ դեսպանը 2008-ին ՀՀ-ում եղել է Գերմանիայի դեսպանը և իրազեկ է, թե ինչ է կատարվել Մարտի 1-ին: Գնացել եք քարերով ու մուրճերով ԵՄ գրասենյակի դիմաց, Վիկտորինը դուրս գար՝ ի՞նչ աներ: Քննադատության ձև կա, Նաիրա Զոհրաբյան, կին եք ի վերջո․ ինչպես կարելի է թիրախավորել դեսպանին: Ընդդիմությանը մի քիչ խելքը չէր խանգարի: Շանտաժի լեքսիկոնով ավելի եք ապացուցում, որ հակաժողովրդավարական տարրեր եք»:
