ԱՄՆ-ի նախագահ Ջո Բայդենը կարծում Է, որ ռեկորդային գնաճը նզովք Է դարձել երկրի համար: Այդ կարծիքը նա հայտնել Է հունիսի 8-ին ABC հեռուստաալիքում հեռուստահաղորդավար Ջիմմի Քիմմելի երեկոյան շոուում:
«Գնաճը մեր գոյության նզովքն Է: Գլխավորապես այն ազդում Է մթերքի եւ բենզինի գների վրա»,- ասել Է Բայդենը՝ պատասխանելով վարչակազմի քաղաքականությունից բնակչության դժգոհության մասին՝ հաղորդավարի մեկնաբանություններին:
Ավելի վաղ ԱՄՆ-ի ֆինանսների նախարար Ջանեթ Ելլենը Կոնգրեսի Սենատի ֆինանսների կոմիտեում հայտարարել Է, որ երկրում գնաճի մակարդակը տեսանելի ապագայում կմնա բարձր, դա ընթացիկ փւլում դարձել Է երկրի հիմական տնտեսական խնդիրը: Նախարարը նաեւ խոստովանել Է, որ թե՛ ինքը եւ թե՛ ԱՄՆ-ի Դաշնային պահուստայն համակարգի (ԴՊՀ, կենտրոնական բանկ) ղեկավար Ջերոմ Փաուելը սխալվել են գնաճի վերաբերյալ վերջերս իրենց հայտնած գնահատումների հարցում: Նախարարի արտահայտությամբ՝ ներկայումս ԱՄՆ-ում գնաճը գտնվում Է «անհանդուրժելի մակարդակներում»:
Ավելի վաղ ԴՊՀ-ն գնաճի դեմ պայքարելու համար 50 բազիսային կետով բարձրացրել Է բազային տոկոսադրույքը՝ մինչեւ 0,75 – 1 տոկոս:
ԱՄՆ-ի աշխատանքի նախարարության հաշվարկներով՝ 2022 թվականի ապրիլին երկրում տարեկան գնաճը կրճատվել Է մինչեւ 8,3 տոկոս՝ մարտ ամսվա 8,5 տոկոսի դիմաց: Այս ցուցանիշը մարտին դարձել Է ռեկորդային վերջին չորս տասնամյակների ընթացքում, հաղորդել Է ՏԱՍՍ-ը: