Հայաստանի համար ամենաիրատեսական սպառնալիքը Ռուսաստանն է, ոչ թե Թուրքիան ու Ադրբեջանը: «Առաջին լրատվական»-ի հետ զրույցում նման տեսակետ հայտնեց ռազմաքաղաքական հարցերով փորձագետ Արեգ Քոչինյանը:
Նրա խոսքով` մեր ամենամեծ առաջնահերթությունը ոչ թե անվտանգությունն է, այլ ինքնիշխանության պահպանումը. «Եթե կորցնում ենք ինքնիշխանությունը, անվտանգությունը դառնում է երկրորդական: Ունենք առաջնահերթություն` պետականություն պահել, որը ռեալ վտանգված է և հենց ՌԴ կողմից»:
Քաղաքագետը կարծում է, որ մեր այլընտրանքը բոլոր հարևանների հետ սահմանազատում ու սահմանագծում իրականացնելն է. «Ուկրաինական պատերազմից հետո որևէ երկիր չի ուզում սահման ունենալ Ռուսաստանի հետ: Մեր խնդիրն է հասկացնել` եթե մենք չենք այստեղ, մեր փոխարեն Ռուսաստանն է, բայց մեզ հետ ավելի հեշտ ու էժան է խոսելը»: