ԿԲ նախկին նախագահ Բագրատ Ասատրյանը տնտեսական աճը պայմանավորում է մի շարք գործոններով. «Բարձր գնաճային ճնշումների գոտում ենք գտնվում:Լողացող փոխարժեքը նպաստում է ճեղքերը չխորանալուն:ԿԲ-ն անում է այն, ինչ պետք է անի, կայունություն է պահպանում»:
Տնտեսագետի փոխանցմամբ` գնաճով պայմանավորված աղքատացման մեծ տեմպերի հետ գործ ունենք:
Հարցին, թե վտանգ չկա, որ ռուսական ռուբլին կարող է ներթափանցել հայկական շուկա, թեկուզ ճնշումներով, Ասատրյանը վստահեցրեց, որ ռուբլին մեր շուկա չի ներթափանցի, ոչ մի փողատեր իր բիզնեսը ռուբլով չի պահի. «Նման վտանգ չկա, որ ռուբլին ներթափանցի մեր շուկա»:
Անդրադառնալով պետական պարտքի մեծացմանը, տնտեսագետը հակադարձեց` պետական պարտքը մեծ չէ, փոքր է մեր ՀՆԱ-ն. «Այդ ուղղությամբ ջանք պետք է թափել: Ոչ թե պետք է վախենալ պարտքի թվից, պետք է վախենալ պարտքի որակից: 2008-ին մի տասնամյակ մտանք, որ աջ ու ձախ մսխվում էին փողերը, սերունդներից գողացել են: Մենք չենք կարող առանց արտաքին միջոցների առաջ գնալ, բայց դրանք պետք է ծախսվեն նպատակային»:
Ներքաղաքական զարգացումներից էլ խոսելով, Բագրատ Ասատրյանը ցավով նշեց, որ շատ ենք հուզվել, որի ճանապարհին կորցրել ենք ՀՀ քաղաքացուն, բազմապատկել ենք տգիտությունը. «Պետք է հասկանանք` ուր ենք տանում մեր պետության նավը: Փողոցից եկած մեկը, որին գեներալի կոչում էր շնորհվել, քաղաքական ղեկավարության վրա խաչ դրեց, հաղթանակը սեփականաշնորհեց: Կորցրել ենք քաղաքական պատասխանատվությունը. համատարած տգիտություն է»:
