Թուրքիայի եւ Վենեսուելայի կենտրոնական բանկերի ներկայացուցիչները Պետերբուրգի միջազգային տնտեսական համաժողովի ընթացքում Ռուսաստանի հետ կքննարկեն համագործակցությունը վճարայն համակարգերի ոլորտում:
Այդ մասին, ասվում Է Ռոսկոնգրեսի նյութերում:
«Թուրքիայի եւ Վենեսուելայի կենտրոնական բանկերի ներկայացուցիչները ռուսաստանյան կողմի հետ միասին կքննարկեն միջազգային համագործակցությունը վճարայն համակարգերի ոլորտում»,-ասված Է հիմնադրամի մամուլի տեղեկագրում:
Մայիսի կեսերին Ռուսաստանի բանկի առաջին փոխնախագահ Օլգա Սկորոբոգատովան ասել Է, որ կարգավորիչը մտադիր Է կենտրոնանալ անդրսահմանային վճարների զարգացման վրա:
Ուկրաինայի շուրջ ստեղծված իրադրության պատճառով միջազգային վճարումների շուկայի առանձին մասնակիցներ դադարեցրել են աշխատանքը ռուսաստանյան շուկայում: Այդպես Է վարվել, օրինակ, դրամական փոխանցումների Western Union ամերիկյան համակարգը:
Նաեւ Սկորոբոգատովան ասել Է, որ Ռուսաստանի բանկը հույս ունի ամռանը ժողովրդականություն վայելող երկու տուրիստական երկրների հետ համաձայնության հասնել «Միր» քարտի ընդունման շուրջ: Ռուսաստանի «Միր» վճարայն համակարգի քարտերն այժմ ընդունվում են Թուրքիայում, Վիետնամում, Հայաստանում, Բելառուսում, Ղազախստանում, Ղրղզստանում, Տաջիկստանում, Ուզբեկստանում, Հարավային Օսիայում եւ Աբխազիայում: Հոբելյանական 25-րդ՝ Պետերբուրգի միջազգային տնտեսական համաժողովը կանցկացվի Սանկտ Պետերբուրգում, հունիսի 15-18-ը, հաղորդել Է ՌԻԱ Նովոստին: