Օրեր առաջ մեկամսյա հանրահավքների կուլմինացիան էր, տեղի ունեցավ բախում ոստիկանների ու ցուցարարների միջև: Թեմայի շուրջ «Առաջին լրատվական»-ը զրուցել է քաղաքագետ Ռոբերտ Ղևոնդյանի և սոցիոլոգ Կարեն Սարգսյանի հետ:
Սոցիոլոգի խոսքով՝ իշխանությունը ցույց է տալիս,որ չի պատրաստվում բռնությունների գնալ, ընդդիմությունն իրենք իրենց ինքնամաքրվում են․«Կարևոր փուլ փակվեց․ Դաշնակցությունը ամբողջությամբ դուրս եկավ քաղաքական դաշտից: Մինչև ուժի կիրառումը իրենք ինչ-որ կերպ փորձում էին մնալ քաղաքական դաշտում, բայց օրեր առաջ Դաշնակցությունը վերադարձավ իր ակունքներին՝ ահաբեկչական գործողություններ, հեղաշրջման փորձ:
Սարգսյանը կարծում է, որ ռուսական խամաճիկները մնալու են դաշտում, բայց նարդի խաղացողներին ժողովուրդը մերժեց․ «Ընդդիմությունը անտաղանդ է, նրանց հրահանգված էր դուրս գալ փողոց, բայց տապալվեցին»:
Քաղաքագետ Ղևոնդյանի խոսքով էլ՝ ընդդիմությունը առաջին օրվանից փորձում էր դրդել, որ ոստիկանությունը ուժ կիրառի․ «Ընդդիմության այս հատվածը ինչ-որ դիվիդենտներ քաղելու խնդիր ունի: Նրանք այս անգամ ձախողեցին, գուցե հետագայում շարունակեն այլ գործողություններ: Գրծընթացը ունի տարբեր ճյուղեր, փորձում են մի բան պոկել»:
Կարեն Սարգսյանը նաև նշեց, որ Փաշինյանը փակեց երեք նախագահների 30-ամյա շրջանը Սոցիոլոգի խոսքով՝ Արցախի հիմնախնդիրը թևակոխել է այն շրջան, երբ լուծումը պահանջում է լռություն:
Իսկ Ռոբերտ Ղևոնդյանը կարծում է, որ Արցախի հարցի հայանպաստ սցենարը այս ընդդիմությանը ձեռնտու չէ: