Ֆուտբոլի Հայաստանի ազգային հավաքականի գլխավոր մարզիչ Խոակին Կապառոսին հաջողվեց վերակենդացանել թիմին Նորվեգիայից կրած 9։0 հաշվով պարտությունից հետո։ Իռլանդիայի դեմ խաղին ընդառաջ իսպանացի մասնագետը կատարել էր սխալների ուղղում, որի շնորհիվ մեր ազգային թիմը դժվարի խաղում կարևոր 3 միավոր վաստակեց։ Ինչ քայլերի դիմեց Կապառոսը և ինչի հաշվին մեր ֆուտբոլիստները հաղթեցին Իռլանդիային։ Շատերը կհամաձայնվեն, որ երևանյան հաղթանակի հիմքում առաջին հերթին մեր հավաքականի հուսալի խաղն էր պաշտպանությունում։ Կենտրոնում թիմի ավագ Վարազդատ Հարոյանի կողքին փորձառու Հրայր Մկոյանն էր, իսկ հենակետային դիրքում մեկ այլ փորձառու խաղացող Արտակ Գրիգորյանը։
Խաղային այս եռյակը այսպես ասած «ցեմենտել» էր դաշտի կենտրոնական հատվածը։ Մրցակցին 90 րոպեների ընթացքում այդպես էլ չհաջողվեց իրական գոլային պահ ստեղծել գրոհը զարգացնելով կենտրոնից։ Հարոյանն ու Մկոյանը փայլուն խաղ ցուցադրեցին նաև երկրորդ հարկում։ Այո մերոնց դժվարությամբ էր հաջողում խաղը գնդակը վերահսկել սեփական կիսադաշտռում և կոմբինացիոն գրոհներ ձեռնարկել։ Բայց մեծ հաշվով միջին և պաշտպանական օղակներում ձախողումներ տեղի չունեցան։ Մկոյանին հիմնական կազմում վստահելը Կապառոսի առանցքային քայլերից մեկն էր։ Անդրադառնանք կիսապաշտպանությանն ու հարձակմանը։ Խաղային այս դիրքերում տոն տվեց Խորեն Բայրամյան-Էդուրարդ Սպերցյան-Տիգրան Բարսեղյան եռյակը։ Երկրորդ կեսում Բայրամյանը կատարում էր թիմի դիսպետչերի պարտականությունը։ Արդյունքում Բարսեղյանն ու Սպերցյանն ավելի ազատ ու սուր գործեցին։ Արդյունքվետ էին նաև Հովհաննես Համբարձումյանի և Կամո Հովհաննիսյանի գործողությունները եզրերում։ Խոսենք խաղային տակտիկայի մասին։ Այո, առաջին կեսում Հայաստանի հավաքականի խաղը այն չէր։ Մերոնք զիջել էին կենտրոնը, և չէին էլ փորձում կիրառել պրեսինգ։ Երկրորդ կեսում սակայն իրավիճակը խաղադաշտում կտրուկ փոխեց։ Եվ սա առաջին դեպքը չէ, երբ Կապառոսի գլխավորությամբ Հայաստանի հավաքականը երկրորդ կեսում կերպարանափոխվում է։ Այո, հատխաղյա մամուլի ասուլիսի ժամանակ իսպանացի մասնագետն ասում է ու առաջին կեսում խաղը չի ստացվում, բայց․․․։
Նույն պատկերն էր նաև անցյալ տարի տեղի ունեցած Իսպանդիայի և Ռումինիայի դեմ հաղթանակ հանդիպումներում։ Ետ քաշելով թիմին Կապառոսը մրցակցին ստիպում է մեծ ուժեր ծախսել գրոհները զարգացնելիս։ Երկրորդ կեսում սակայն անակլնալի բերելով մրցակցին սկսում է հակագրոհել։ Այո, այս մարտավարությունը մեզ բերում է հաջողություն։ Ընդունենք սակայն, որ այս նման մարտավարությամբ խաղալու համար անհրաժեշտ է անթերի գործողությսւննդր հատկապես պաշտպանությունում։ «Խաղը տեւում է 90 րոպե: Բնականաբար առաջին խաղակեսում թարմ էին երկու թիմերն էլ: Նրանք վերահսկում էին գնդակը, սակայն գրեթե ոչ մի գոլային պահ չստեղծեցին մեր դարպասի մոտ, բացառությամբ մեկի: Երկրորդ խաղակեսում որոշ փոփոխություններ կատարեցինք եւ սկսեցինք ավելի շատ վերահսկել գնդակը, նաեւ մրցակիցների խաղը մեզ թույլ տվեց ճիշտ տակտիկայով գրավել Իռլանդիայի դարպասը: Կարելի է ավելի մեծարել մեր թիմին այս հաղթանակի համար, երբ այն ձեռք է բերվում այսպիսի պայքարում: Իռլանդիայի հավաքականը շատ լավ թիմ է:5 պաշտպանով խաղաոճն ընտրել էինք Իռլանդիայի հավաքականին ուսումնասիրելով, քանի որ նրանք ուղղահայց ֆուտբոլ են խաղում: Բարձր մակարդակով ֆուտբոլն անկանխատեսելի է, չես կարող ծրագրել ինչպես խաղալ կամ գոլազուրկ պահել առաջին խաղակեսը: Ֆուտբոլում կարեւորն արդյունքն է եւ որեւէ այլ բանի մասին պետք չէ վիճել:Ցանկացած խաղ ծառայում է նրան, որ թիմն աճի եւ առաջընթաց ունենա: Սակայն, ես երեկ նշեցի, որ 10 օրվա ընթացքում 4 հանդիպումն ուղղակի բարբարոսություն է եւ մեզ անհրաժեշտ է արագ վերականգնվել խաղերից առաջ:Բոլոր մեզ հասանելի միջոցները գործածելու ենք ֆուտբոլիստներին վերականգնելու համար, լինելու է նաեւ ռոտացիա, քանի որ այլ տարբերակ չունենք»,- խաղից հետո ասել է Կապառոսը։
Ինչև, արդեն երկու օրից մեր հավաքականը գլազգոյում կմրցի Շոտլանդիայի բավական ուժեղ թիմի հետ։ Երևանում մերոնք ապացուցեցին, որ կարող ենք ձեռնոց նետել կարգով ավելի բարձր հավաքականներին։ Այո, Շոտլանդիայում շատ ավելի դժվար է լինելու, բայց․․․։