Ադրբեջանի գործողությունները ցույց են տալիս, որ սահմանների բացմանը ասում են` ոչ: «Առաջին լրատվական»-ի հետ զրույցում նման տեսակետ հայտնեց ադրբեջանագետ Տարոն Հովհաննիսյանը:
Նրա խոսքով` Ադրբեջանը փորձում է փոփոխությունների հասնել Լաչինի միջանցքի հարցում. «Ադրբեջանը կոմունիկացիների բացման, Զանգեզուրի միջանցքի հարց բարձրացնելով փորձում է լուծել Արցախի խնդիր: Քանի դեռ Ադրբեջանն ունի ապակառուցողական մոտեցում` բանակցություններից լուրջ արդյունքներ սպասել չի կարելի»:
Ապաշրջափակումը ռուսական օրակարգ է, կարծում է Տարոն Հովհաննիսյանը, քանի որ ըստ նրա` կոմունիկացիների ու շուկաների խնդիր ունի ՌԴ-ն. «Մոսկվան ինչ-որ կրիտիկական իրավիճակում, եթե Ադրբեջանի վրա ճնշում չգործադրի, կգործադրի Հայաստանի վրա: Մոսկվան ցանկանում է Սյունիքով անցնող ճանապարհների վրա վերահսկողություն ունենա ինքը: Բրյուսելի և Մոսկվայի դիրքորոշումները այնպես չէ, որ 80 տոկոսով մեզ ձեռնտու է»: