Քաղաքագետ Սուրեն Սուրենյանցը կարծում է, որ իշխանության փոխարեն եթե լիներ, կհորդորեի իշխող խմբակցության պատգամավորներին մասնակցել նիստին ու քննարկումներով մերժել
Քաղաքագետը կարծում է, որ վերանում է այն մոտիվը, որով հնարավոր է մարդկանց պահել փողոցում. «Բանակցությունների մեկնարկին ընդդիմության նման կատեգորիկ պահանջը նշանակում է փակել բանակցությունների դուռը: Հարթակի իրական փայատերերի օրոք էլ իմպերատիվ հայտարարություններ չեն եղել, որ Արցախը չի լինելու Ադրբեջանի կազմում: Եթե Արցախի անվտանգության երաշխավորը Հայաստանը չէ, ՀՀ իշխանությունը առավել զգուշավոր պետք է լինի: Խաղաղությունն առանց «բայց»-երի կոնցեպցիան անընդունելի է»:
Քաղաքագետը կարծում է, որ Արցախի կարգավիճակի հարցը պետք է առկախել, այս փուլում չի բխում մեր շահերից. «Այս պահին հայկական կողմը գեթ մեկ դաշնակից չունի ԼՂ հարցում: Շատ բան կախված է ուկրաինական պատերազմով: Հայկական դիվանագիտությունը պետք է հնարավորինս ձգձգի և առկախի կարգավիճակի հարցը: Եթե Արցախի հարցում միջազգային կոնսոլիդացիա եղավ, ՀՀ իշխանություններից շատ բան կախված չի լինի: Ով էլ գա իշխանության, չի կարող փոխել այն ստատուս քվոն, որ ձևավորվել է նոյեմբերի 9-ից հետո»: