Սփյուռքում երեք հիմնական խնդիր կա, որոնցից մեկը տեսլական ունեցող ղեկավարի պակասն է: «Առաջին լրատվական»-ի հետ զրույցում ասաց Օքսֆորդի համալսարանի դասախոս ,Սփյուռքի Հետազոտության Ծրագրի ղեկավար Հրաչ Չիլինգիրյանը:
Չիլինգիրյանը կարծում է, որ պարտադիր չէ, որ բոլորը գան և Հայաստանում ապրեն, բայց հայրենիքն է ներշնչանքի աղբյուրը. «Սփյուռքում հայկական ինքնության սահմանումն է` ընտանիք, լեզու և մշակույթ: Սփյուռքի կյանքում ընտանիքը ամենակարևոր հարթակն է:Ժամանակին հայկական ինքնության մեջ կենսական նշանակություն ուներ եկեղեցին, բայց այսօր այդպես չէ: Սփյուռքում հայկական ինքնության ճգնաժամ չկա, բայց խնդիրներ կան»: Մեր բանախոսի խոսքով` Ցեղասպանության ճանաչումը, արցախյան հարցը միշտ Սփյուռքի օրակարգում է: