Մերձավոր Արեւելքի երկրներում երկու ամիս Է՝ չեն դադարում փոշու եւ ավազի ուժեղ մրրիկները, առնվազն չորս մարդ զոհվել, ավելի քան հազարը հայտնվել են հիվանդանոցներում: Այդ մասին հունիսի 3-ին հաղորդել Է The Guardian թերթը: Հրատարակության տվյալներով՝ Իրաքի առանձին նահանգների իշխանությունները հուժկու փոշեմրրիկների պատճառով հարկադրված են եղել փակել դպրոցներն ու հաստատությունները, իսկ մայիսի 16-ին հայտարարել են արտակարգ դրության ռեժիմ: Քուվեյթի օդագնացության գերատեսչությունը դադարեցրել Է ինքնաթիռների թռիչքները:
ԱՄԷ-ում նաեւ նախազգուշացումներ են հայտարարել ավազամրրիկների վերաբերյալ: Միայն 2022 թվականի առաջին չորս ամիսներին Սաուդյան Արաբիայի մայրաքաղաք Էր Ռիադն ավելի քան 35 անգամ ճարակել են ավազամրրիկներն այն դեպքում, երբ նախորդ ռեկորդը պատկանել Է 2019 թվականին, բայց այդ ժամանակ ամբողջ տարվա ընթացքում ավազամրրիկներ են գրանցվել 48 օր:
«Դա մեզ շատ Է անհանգստացնում: Ավազամրրիկներն ազդում են ոչ միայն մի երկրի կամ որեւԷ կոնկրետ վայրի վրա: Հեռուն գնացող հետեւանքներն արտահայտվում են ամբողջ աշխարհում»,-հրատարակությունը մեջբերում Է ԱՄՆ-ի Նեւադայի նահանգի համալսարանին առընթեր հանրային առողջության դպրոցի ղեկավար Մուգե Ակպիներ-Էլջիի խոսքը: Կլիմայի եւ ջրային ռեսուրսների դեպարտամենտի մերձավորարեւելյան ինստիտուտի տնօրենն իր հերթին նախազգուշացրել Է, որ մրրիկների թվաքանակը միայն ավելանալու են հողերի սաստիկ չորության պատճառով, հատկապես այս տարածաշրջանում: «Պարզապես նայեք երկնքին: Մուգ նարնջագույն ապոկալիպտիկ երկինքը բազմաթիվ ավազամրրիկների ուղղակի հետեւանքն Է»,-նրա խոսքը մեջբերում Է The Guardian-ը: