Մոսկվայում այսօր տեղի կունենա տարածաշրջանային հաղորդակցությունների ապաշրջափակման հարցերով եռակողմ աշխատանքային խմբի հերթական նիստը։ Այս մասին հայտնել են փոխվարչապետ Մհեր Գրիգորյանի գրասենյակից։
Հայաստանի, Ռուսաստանի և Ադրբեջանի փոխվարչապետեր Մհեր Գրիգորյանի, Ալեքսեյ Օվերչուկի ու Շահին Մուստաֆաևի գլխավորությամբ ստեղծված այս եռակողմ խմբի առաջին հանդիպումը կայացել էր անցած տարվա հունվարին Մոսկվայում: Նախորդը դեկտեմբերին էր։ Թեմայի շուրջ «Առաջին լրատվական»-ը զրուցել է Ռազմաքաղաքական հարցերով փորձագետ Հրաչյա Արզումանյանի հետ:
Արզումանյանի խոսքով՝ այն ժողովը, որը տեղի է ունենում այսօր Մոսկվայում, ապագա չունի:
Փորձագետը կարծում է, որ ուժային կենտրոնները պետք է մտածեն, ոնց են ձևափոխելու ՄԽ ձևաչափը․ «Մինսկի խումբը հետսովետական ֆորմատ է, որի շուրջ պետք է լուծվեր Արցախի ստատուսի հարցը: Բրյուսելում ձևավորվում է նոր ֆորմատ, որտեղ պետք է որոշվի Արցախի ստատուսը, անվտանգության ճարտարապետությունը: Հաայստանը չի կարող ազդել պրոցեսների վրա․ սպասում է ուժային կենտրոնների որոշմանը»:
