Չինաստանը հունիսի 2-ին առափնյա պահպանության նավեր Է ուղարկել դեպի Դյաոյույդաո վիճելի կղզիներ (ճապոնական անվանումը Սենկակու) ծովային պարեկություն անցկացնելու համար: Այդ մասին, վկայում Է ՉԺՀ-ի ծովային ոստիկանության վարչության հայտարարությունը:
«Հունիսի 2-ին ծովային ոստիկանության նավերի միավորումը պարեկություն Է անցկացրել Դյաոյույդաո կղզիների ջրատարածքում»,-ասվում Է ծանուցման մեջ, որը հրապարակվել Է WeChat սոցիալական ցանցում ՉԺՀ-ի ծովային ոստիկանության վարչության պաշտոնական օգտահաշվում: Սենկակու կղզիները (չինական անվանումը Դյաոյույդաո) Չինաստանի եւ Ճապոնիայի միջեւ տարածքային վեճի առարկա են: Ճապոնիան պնդում Է, որ դրանց տիրում Է 1895 թվականից, Պեկինում հիշեցնում են, որ 1783 եւ 1785 թվականների ճապոնական քարտեզների վրա Դյաոյույդաոն (Սենկակու) նշված Է որպես չինական տարածք:
Երկրորդ համաշխարհային պատերազմից հետո կղզիները գտնվել են ԱՄՆ-ի վերահսկողության ներքո եւ Ճապոնիային են հանձնվել 1972 թվականին: Տայվանում եւ մայրցամաքային Չինաստանում կարծում են, որ Ճապոնիան կղզիներն անօրինականորեն Է վերահսկում: Տոկիոն կարծում Է, որ Չինաստանը եւ Տայվանը սկսել են կղզիներին հավակնել 1970-ական թվականներից, երբ պարզվել Է, որ դրանց ջրատարածքը հարուստ Է օգտական հանածոներով: Տարածքային վեճն Էլ ավելի Է սրվել այն բանից հետո, երբ Ճապոնիայի կառավարությունը 2012 թվականին մասնավոր ճապոնական սեփականատիրոջից գնել Է հինգ կղզիներից երեքը՝ այդպիսով ընդգծելով դրանց պետական կարգավիճակը:
Ավելի վաղ Ճապոնիա-ԵՄ 28-րդ գագաթնաժողովի արդյունքներով հրապարակվել Է համատեղ հայտարարություն, որից հետեւում Է, որ Ճապոնիան եւ Եվրամիությունը լուրջ անհանգստություն են հայտնում Արեւելաչինական ծովում, ներառյալ Սենկակու կղզիների շուրջ գտնվող շրջանը, ստեղծված իրադրության, ինչպես նաեւ Չինաստանի ռազմական ակտիվության ուժեղացման կապակցությամբ: Մեկնաբանելով այս հայտարարությունը՝ ՉԺՀ-ի ԱԳՆ-ի պաշտոնական ներկայացուցիչ Չժաո Լիցզյանն ավելի վաղ հայտարարել Է, որ Դյաոյույդաո կղզիները «Չինաստանի անքակտելի մասն են», հաղորդել Է ՌԻԱ Նովոստին: