Մեզանից որևէ մեկը չի կարող պատկերացնել, թե որքան ծանր է հայրենիքից, հարազատներից ու պաշտպանությունից հեռու լինել, օգնության որևէ ճիչ չկարողանա հնչեցնել, օգնության կանչին արձագանք չստանալ։ Մեազնից որևէ մեկը չի կարող երևակայել անգամ, թե որքան ծանր հոգեբանական կացության մեջ են նրանք, որոնք Արցախյան վերջին պատերազմից հետո հայտնվել են թշնամու բանտում ու ստացել թշնամու վատագույն վերաբերմունքը։
Թեպետ, մեր մասնագիտական դաշտում կա մեկը, որն առանձնակի, այսպես ասենք՝ գերի դառնալու պատվի է արժանացել ադրբեջանցիների կողմից։ Ոմանք նրան վերաբերվում են որպես բարեկամ, ոմանք՝ որպես լրտես։ Բայց վերջինս տևական ժամանակ է, ինչ արարում ու ստեղծագործում, ապրում ու աշխատում է Հայաստանում՝ադրբեջանական գերության ահռելի ու ունիկալ փորձ ունենալով։ Խոսքը արմատներով հրեա, Ռուսաստանի, Իսրայելի և Ուկրաինայի քաղաքացի, բլոգեր Ալեքսանդր Լապշինի մասին է։ Դասական հայ մարդը կասեր՝ «7 երկրի շպիոն»։ «Առաջին լրատվական»-ի տաղավարում հյուրընկալվել է հենց Ալեքսանդր Լապշինը:
