Մայիսի 31-ին տեղի է ունեցել Սահմանադրական բարեփոխումների խորհրդի ու հանձնաժողովի հերթական նիստը: Նիստի ժամանակ խորհրդի նախագահ, արդարադատության նախարար Կարեն Անդրեասյանը հայտարարել է, որ հունիսի 1-ից պայմանագրային հարաբերություններ են սկսելու գործել ՍԴ բարեփոխումների հանձնաժողովի անդամների հետ և հունիսի 1-ով սկսում է բարեփոխումների բովանդակային փուլը։Թեմայի շուրջ «Առաջին լրատվական»-ը զրուցել է «Իրազեկ քաղաքացիների միավորում»ՀԿ համակարգող, Սահմանադրական բարեփոխումների խորհրդի անդամ Դանիել Իոաննիսյանի և «Հանրապետություն» կուսակցության խորհրդի անդամ, Սահմանադրական բարեփոխումների խորհրդի անդամ Մասիս Մելքոնյանի հետ:
Իոաննիսյանի դիտարկմամբ` այս սահմանադրությունը գրվել է կոնկրետ ուժի քաղաքական նպատակների համար. Հասարակության փոխարեն Սերժ Սարգսյանն ու Հրայր Թովմասյանը փոխեցին խաղի կանոնները: Սահմանադրական փոփոխությունների գնալուց ռիսկերը շատ մեծ են: Ռիսկեր կան. չեմ պատկերացնում մոտակա ամիսներին իշխանությունը գնա սահմանադրական հանրաքվեի: Կասկածում եմ` անվտանգային հարցերը թողած, Փաշինյանը արձակուրդ վերցնի և պատրաստվի սահմանադրական հանրաքվեի»:
Մելքոնյանն էլ իր հերթին նշեց, որ Սահմանադրական բարեփոխումների հանձնաժողովում ու խորհրդում կոնսենսուս կա, բարդ քննարկումներ են. «Դեռ վաղ է ասել սահմանադրական փոփոխությունները չենք հասցնի: Կունենանք այնպիսի փաստաթուղթ, որն այլևս չի փոխվի»:
Բանախոսների պնդմամբ`սա լեգիտիմ պրոցես է. ամենակարևորը` սահմանադրական հանրաքվեն չի կեղծվելու: