Wednesday, 05 10 2022
Որպես լուսավորության առաքյալներ՝ առաջնորդում եք մի ամբողջ սերնդի. Արտակ Բեգլարյանը շնորհավորել է Ուսուցչի օրվա առթիվ
17:07
Եղանակը Հայաստանում – Հոկտեմբեր 6, 2022
17:00
Ի՞նչն է ավելի կարևոր՝ ադրբեջանական գազը, թե հայկական արյունը․ ԵԽ պատգամավորը դիմել է Բորելին
«Իսկապես, Ադրբեջանը մեզ փոխանցել է նման փաստաթուղթ»․ Արարատ Միրզոյան
Լևոն Տեր-Պետրոսյանը հանդիպել է Լևոն Զեքիյանին
«Իսրայելի նախկին վարչապետին ասացի՝ ցեղասպանված ազգ եք, բայց ձեր կառավարությունն օգնում է Ադրբեջանին»
Տիգրան Ավինյանը հոկտեմբերի 7-ին կհանդիպի Աջափնյակի բնակիչների հետ
Լուրերի օրվա թողարկում 16:30
16:25
ԱՄՆ-ն սանկցիաներ կկիրառի Իրանի պաշտոնյաների նկատմամբ
Ուղիղ․ ԱԺ-կառավարություն հարցուպատասխան
Ռուսաստանը չի գնա ՄԱԿ-ի ՄԻԳԿՎ-ի հետ շփումների չեղարկման. ՌԴ ԱԳՆ
Եթե Ռուբեն Վարդանյանը ՌԴ կազմակերպած հանրաքվեները ճանաչելու հարց բարձրացնի, ուրեմն դավաճան է և ստահակ
16:08
5,4 մագնիտուդով երկրաշարժ Է տեղի ունեցել Իրանում. տուժածների թիվը գերազանցել Է 500-ը
16:00
Live. «Առաջին լրատվական» տեղեկատվական-վերլուծական կենտրոն
Դատախազությունն Անդրանիկ Փիլոյանի քրեական գործն ուղարկել է դատարան
Եթե Արցախի անունն ընդհանրապես չի լինելու, ուրեմն հաղթել է ադրբեջանական տարբերակը
Ստուգումների վերաբերյալ փաստաթղթերը և բողոքարկման հանձնաժողովի որոշումները ծանուցվում են էլեկտրոնային եղանակով. ՊԵԿ
Մատչելի գներ և թարմ մթերք. «Զովք»-ի նոր մասնաճյուղ՝ Շենգավիթում
15:42
Հաջողությամբ ավարտվեց ՀՀ արժեթղթերի շուկայում կորպորատիվ պարտատոմսերի խոշորագույն ծրագիրը
Փորձում ենք բացահայտել տեխնոլոգիաների և մարդու կյանքի կապը․ Անդրե Անդոնյան
15:35
Պրահայում կքննարկեն եվրոպական փոխգործակցության հեռանկարները
15:33
Եղանակը աշխարհում – Հոկտեմբեր 6, 2022
«Հայաստանը ավելի քան մեկ միլիոն ական է տեղադրել»․ Ալիևը՝ Ակնայում
Հանրային կառավարումը թվայնացնելու դեպքում մենք պետք է պատրաստ լինենք նաև մարտահրավերներին․ Մաթևոսյան
Բացահայտվել է ՃՈ ծառայողների կողմից 23 կեղծ արձանագրություն կազմելու դեպք
Երբ հաղթանակն իրատեսական է․Ինչ է իրենից ներկայացնում «Փյունիկի» մրցակիցը
Բացահայտվել է հանցագործության 54 դեպք, որից 2-ը՝ նախկինում կատարված
Մենք ունենք հսկայական տարածաշրջանային անապահովություն. Նուբար Աֆեյան
Ղարաբաղի հայ բնակչությունը մեր քաղաքացիներն են. Ալիև
Գերիները վերադարձան․ ո՞րն է հաջորդը և ո՞ւմ առաջ

Արագ պետք է օրենքը փոխվի, այլապես նախկին նախագահներն ու գեներալները կարող են հանգիստ պատռել քննիչ հանձնաժողով ներկայանալու հրավերը

Հայաստանի նախկին արտգործնախարար Վարդան Օսկանյանը մերժել է 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի հրավերը։

Նա նշել է, որ որոշել է չգնալ երկու պատճառով. նախ՝ համոզված չի, որ այդ հանձնաժողովի նպատակները անկեղծ և ազնիվ են։ Առավել ևս՝ համոզված չէ, որ այդ հանձնաժողովը երբևէ կարող է արդար և օբյեկտիվ եզրահանգման գալ։ Եվ երկրորդ՝ անկախ հանձնաժողովի անդամների կողմից իրեն տրվելիք հարցերից՝ իր բոլոր պատասխանների եզրակացությունը լինելու է այն, որ Լեռնային Ղարաբաղի շուրջ բանակցությունների անցած ուղու, դրանց բովանդակությանը տիրապետելու, չարհամարհելու և հմուտ ու ճիշտ դիվանագիտություն վարելու դեպքում պատերազմ պարզապես չէր լինի։

«Նույնը կարելի է ասել այսօրվա իրավիճակի մասին՝ ճիշտ և հմուտ դիվանագիտություն վարելու դեպքում հնարավոր է առանց պատերազմ հրահրելու հենց միջազգային հանրության աջակցությամբ խուսափել Արցախը ԼՂԻՄ սահմաններով Ադրբեջանի կազմում ճանաչելու, Հայաստանի ինքնիշխան տարածքից որևէ հատված Ադրբեջանին տալու և Սյունիքում Ադրբեջանին հաղորդակցային միջանցք տրամադրելու Հայաստանի վրա Թուրքիայի և Ադրբեջանի կողմից բանեցվող ճնշումներից»,- ասված է Վարդան Օսկանյանի մեկնաբանությունում։

Հանձնաժողովի նախագահ Անդրանիկ Քոչարյանը անդրադարձել է Օսկանյանի՝ հանձնաժողովի հրավերը մերժելուն՝ նշելով, որ նախ՝ հանձնաժողովի մասին Օսկանյանի ունեցած կարծիքը չէ, որ պետք է ձևավորի մեր աշխատանքների տրամաբանությունն ու հաջորդականությունը, երկրորդ՝ Օսկանյանը չէ, որ պետք է գնահատական տա քննիչ հանձնաժողովի գործունեությանը, իսկ եթե նա իրապես վստահ չէ հանձնաժողովի նպատակների արդարության և օբյեկտիվության հարցում, ապա առաջարկում եմ նրան անձամբ ներկայանալ հանձնաժողով և «խորը» գիտելիքներով ու պրոֆեսիոնալիզմով «դասեր տալ» հանձնաժողովականներին՝ պատասխանելով վերջիններիս հարցերին։

Անդրանիկ Քոչարյանը զգուշացնում է՝ թե՛ Օսկանյանի, և թե՛ մյուս բոլոր հրավիրյալների կողմից Հանձնաժողով ներկայանալու առաջարկը մերժելն ունենալու է բարոյական և քաղաքական հետևանքներ։ «Ի դեպ, քաղաքական թաքստոցներից օգտվել ևս չի հաջողվի, քանի որ դրանք կվերացվեն՝ «Ազգային ժողովի կանոնակարգ» սահմանադրական օրենքում համապատասխան փոփոխություններ կատարելու արդյունքում, և այդ պարագայում քննիչ հանձնաժողովի աշխատանքներին չներկայանալը կհանգեցնի նաև իրավական հետևանքների»,-ասել է հանձնաժողովի նախագահը։

Փաստաբան Նորայր Նորիկյանը «Առաջին լրատվական»-ի հետ զրույցում նշեց, որ չի կարծում, թե հրավիրյալ անձանց դիրքորոշումները հանձնաժողովի հեղինակության վերաբերյալ կամ հանձնաժողովին վստահել-չվստահելու հարցը կարող է պատճառ լինել հանձնաժողով չներկայանալու համար:

«Բայց, այո, իրավական տեսանկյունից խնդիր կա, որ նախկին պաշտոնյաները կամ նախկինում պաշտոն զբաղեցրած անձինք հայեցողական վերաբերմունքով կարող են պայմանավորել իրենց մասնակցությունը քննիչ հանձնաժողովի աշխատանքին։

Հետևաբար, հաշվի առնելով այս հարցի առանձնահատկությունը և կարևորությունը, կարծում եմ, որ «ԱԺ կանոնակարգ» սահմանադրական օրենքում հնարավորինս արագ պետք է կատարվեն փոփոխություններ, որով կամրագրվի այն դրույթը, որ քննիչ հանձնաժողովների կողմից համապատասխան հրավերի դեպքում նախկին բարձրաստիճան պաշտոն զբաղեցնող անձինք պարտավոր են լինելու ներկայանալ հանձնաժողով և տալ համապատասխան բացատրություններ, քանի որ այդ անձանց ժամանակին զբաղեցրած պաշտոններով պայմանավորված՝ նրանք տիրապետում են բավականաչափ տեղեկությունների, հետևաբար նրանց կողմից տրվող տեղեկությունները կարող են շատ էական նշանակություն ունենալ այս կամ այն հարցի պարզաբանման տեսանկյունից։

Այո, նախկին բարձրաստիճան պաշտոնյաները այս պահին գործող օրենքով կարող են չընդունել հրավերը և չներկայանալ հանձնաժողով, ինչը նշանակում է, որ հանձնաժողովի աշխատանքի բնականոն գործունեությունը այդ առումով անկատար և ամբողջական չի լինելու։ Հետևաբար, որպեսզի մենք կարողանանք այդ հանձնաժողովի առջև դրված խնդիրը հանգամանորեն պարզել, այդ փոփոխությունն անհրաժեշտ է»,-ասաց Նորայր Նորիկյանը:

Այլապես, ըստ նրա, ոչ միայն նախկին գեներալները, այլ նաև նախկին նախագահները՝ Ռոբերտ Քոչարյանը, Սերժ Սարգսյանը, նախկին Պաշտպանության նախարարները, նախկին ԳՇ պետերը, բոլոր նրանք, որոնք այս պահին որևէ պաշտոն չեն զբաղեցնում, նրանք կարող են պատռել քննիչ հանձնաժողովի կողմից ուղարկված հրավիրատոմսը և չներկայանալ՝ նշելով, որ իրենք չեն վստահում։

«Բայց, կրկնում եմ, այդ հանձնաժողովին վստահելու-չվստահելու խնդիր չկա, այդ հանձաժողովը պետական մարմին է սահմանադրությամբ որոշակի գործառույթներ իրականացնելու համար, և անկախ նրանից՝ այդ հանձնաժողովի նկատմամբ յուրաքանչյուր ոք ինչպիսի պատկերացում ունի, վստահում է, թե չի վստահում, նա ուղղակի պարտավոր է հարգել ՀՀ օրենսդրությունը և ներկայանալ, եթե կատարվեն համապատասխան փոփոխությունները»,-ընդգծեց նա:

Հարցին, թե արդյոք այդ օրենքում համապատասխան փոփոխությունները ենթադրում են նաև քրեական պատասխանատվություն՝ չներկայանալու դեպքում, Նորիկյանը պատասխանեց. «Չեմ կարծում, որ քննիչ հանձնաժողովի նիստին ներկայանալուց խուսափելը կարող է առաջացնել քրեական պատասխանատվություն, բայց մեկ բան կարող եմ ասել, որ մենք պետք է կարողանանք այնպիսի կարգավորող նորմեր դնել շրջանառության մեջ, որ երբևէ որևէ պաշտոն զբաղեցնող անձ գիտակցի, որ իր կրած տեղեկատվությունը կամ ինստիտուցիոնալ հիշողությունը ինչ-որ պահի կարող է անհրաժեշտ լինի պետության համար այս կամ այն խնդիրների պարզաբանման համար: Հետևաբար ինքը պարտավոր է կիսել իր տեղեկատվությունը և ներկայացնել պարզաբանումներ իր պաշտոնավարման ժամանակահատվածում իրեն վստահված ոլորտի վերաբերյալ»:

Հարցին՝ չգալը արդյոք ունի՞ քաղաքական դրդապատճառ, Նորիկյանը նշեց, որ նրանք ընդհանրապես խուսափում են իրենց գործունեության վերաբերյալ որևէ բացատրություն տալուց. «Եկեք պարզ ճակատ ասեք, եթե դուք իսկապես մաքուր եք, վախենալու որևէ բան չունեք, եթե իսկապես գտնում ե,ք որ ձեր պաշտոնավարման ընթացքում իրականացրել եք բացառապես հայրենանվեր և օրենսդրությունից բխող գործառույթներ, եթե դուք իսկապես ցանկանում եք բացահայտել ճշմարտությունը, ձեր նպաստը բերեք պատերազմի հանգամանքների բացահայտմանը: Եթե իսկապես կարծում եք որ գործող իշխանությունները և Նիկոլ Փաշինյանը դավաճան են, սրանից պատեհ հարթակ և իրավիճակ հնարավոր չէ, եկեք ներկայացրեք, պարզաբանումները։ Ինչի՞ց եք խուսափում, չեք վստահում, եկեք ձեր վստահելի խոսքն ասեք։ Քանի դեռ չենք ստացել այն հարցի պատասխանը, թե ինչու ենք պարտվել, ինչու է ՀՀ-ն նեքաշվել պատերազմի մեջ, մենք չենք կարող առաջ շարժվել, ներքին կասկածամտության որդը մեզ ուղղակի սպանելու է, հետևաբար մեր բոլորի շահերից է բխում օր առաջ պարզել այդ հանգամանքները և անցնել առաջ»:

Լուսանկարը՝ panorama.am-ի

Բաժիններ
Ուղիղ
Լրահոս
Որոնում