ՀՀ հակակոռուպցիոն կոմիտեի ու գլխավոր դատախազության միջև «փոխհրաձգությունը» շարունակվում է։
Հակակակոռուպցիոն կոմիտեն հաղորդագրություն էր տարածել՝ մտահոգություն հայտնելով դատախազության գործելակերպի առնչությամբ։ Ըստ այդ հաղորդագրության. «ՀՀ հակակոռուպցիոն կոմիտեն իր մտահոգությունն է հայտնում վերջին շրջանում կոռուպցիոն բնույթի հանցագործությունների մեջ մեղադրվող նախկին մի շարք պաշտոնատար անձանց վերաբերյալ քննվող քրեական գործերով դատավարական փաստաթղթերում հստակ դիրքորոշումներ հայտնելու փոխարեն վերացական ձևակերպումներով դատավարական սուբյեկտների հարաբերությունները հանրայնացնելու դատախազության որդեգրած քաղաքականության կապակցությամբ»:
Այս հայտարարությունների վերաբերյալ Radar Armenia-ն մեկնաբանությունների համար դիմեց ՀՀ գլխավոր դատախազի խորհրդական Գոռ Աբրահամյանին, որը նշեց. «Դատախազությունը ժպիտով է վերաբերում այդ հայտարարությանը և ընդամենը կարող ենք ասել, որ այդքանը գրելու փոխարեն թող գնան քննություն կատարեն»։
