Արցախյան 44-օրյա պատերազմից անմիջապես հետո լոսանջելեսահայ մի խումբ իրավաբաններ նախաձեռնեցին արցախցիներին աջակցելու ծրագիր։ Նրանք փաստագրում են արցախցիների կորուստները՝ իրավաբանորեն ձևակերպում նրանց բարոյական, մշակութային, գույքի ու հայրենիքի կորուստը։ Այդ նպատակով կազմակերպություն են հիմնել, որը կոչվում է «Ճշմարտության և արդարադատության կենտրոն»:
«Ճշմարտության և արդարադատության կենտրոնի» անդամ Միլենա Մայիլյանը, ով այս օրերին գտնվում է Հայաստանում, «Առաջին լրատվական»-ին փոխանցեց, որ առաջիկայում Երևանում կանցկացվի կոնֆերանս, որի առանցքում կլինի 44-օրյա պատերազմի հետևանքները․« Մոտ 16 փաստաբան ժամանել են Հայաստան․ Երևանում կարևոր իրադարձություն է սպասվում: Արցախի նկատմամբ պատերազմական հանցագործությունը բերում ենք օրակարգ»:
