Անկարան պաշտոնապես դիմել է ՄԱԿ-ի գլխավոր քարտուղարին` կառույցի կազմում օտար լեզվով իրենց երկիրը Turkey, Turkei կամ Turquie բառերի փոխարեն Թյուրքիե (Türkiye) անվանակոչելու համար: Այս մասին իր թվիթերյան էջում հայտնել է Թուրքիայի արտգործնախարար Մևլյութ Չավուշօղլուն:
«Թյուրքիե» կոչում են թուրքերն իրենց երկիրը սկսած 1923թ-ից` Թուրքիայի Հանրապետության հռչակումից: Փոփոխությունն, ըստ թուրք պաշտոնյայի, արվում է, որ Թուրքիայի բրենդային արժեքն աշխարհում բարձրացվի:
Օտար լեզվով վերոնշյալ անուններն անգլերենից, գերմաներենից կամ ֆրանսերենից թարգմանաբար նշանակում են «հնդկահավ»: Նույնիսկ համացանցի որոնողական համակարգում փնտրելիս Turkey բառի կողքին հատուկ պետք է լինում գրել «երկիր» բառը` հնդկահավի նկարներից խուսափելու համար: Ավելին` բառարաններում անգլերեն turkey բառը նշանակում է նաև «հիմար մարդ»:
