WikiLeaks-ը հրապարակել է ամերիկյան դիվանագետների նամակագրության հերթական փաթեթը: Այս անգամ հրապարակված նամակների մեջ եղել են նաև Ռուսաստանի և եվրոպական երկրների միջև հարաբերությունների մասին տեղեկություններ: Ըստ կայքի տվյալների՝ Չեխիայի ղեկավարությունը ԱՄՆ փոխպետքարտուղար Ջո Բայդենի հետ քննարկել է այն անհանգստությունը, որ ռուսական գազը Եվրոպայում մենաշնորհային իրավունքներ ունի:
Բայդենը Եվրոպայի էներգետիկ խնդիրների մասին խոսելիս նշել է, որ Ռուսաստանի վարքագիծը կտրուկ կփոխվի այն դեպքում, երբ Եվրոպան կարողանա գտնել գազի ներկրման այլընտրանքային ուղի: Նա կոչ է արել թույլ չտալ, որպեսզի Ռուսաստանը եվրոպական շուկայում շարունակի պահպանել իր մենաշնորհային դիրքերը:
Բայդենն, ըստ WikiLeaks-ի, Չեխիայի վարչապետին գրել է. «Մեզ չի հետաքրքրում, եթե դուք միջուկային էներգիա եք գնում Ֆրանսիայում կամ ԱՄՆ-ում, բայց եթե դուք դա գնում եք Ռուսաստանում, ապա ինձ մոտ հարցեր են առաջանում»: Բայդենին նաև զարմացրել է այն հանգամանքը, որ Եվրոպայում չեն մտածում այն մասին, որ իրենց գազի «ծորակը» կարող է փակել ընդամենը մի երկիր:
