«Հանուն Հանրապետության» կուսակցության քաղաքական խորհրդի անդամ, կառավարման փորձագետ Արշակ Սարգսյանի խոսքով՝ այսօր ընդդիմության հարթակում ժողովրդի կողմից մերժելի դեմքեր են, նրանց ցանկացած գործողություն ձախողվելու է․ «Այսօր կա դժգոհություն, բայց չկա իշխանափոխության պահանջ: Նախկինները այնքան ատելություն են գեներացրել ժողովրդի մոտ, որ Փաշինյանին ամեն ինչ ներվում է»:
«Ժողովրդավարական հարթակ» հիմնադրամի տնօրեն Գարեգին Միսկարյանի խոսքով էլ՝ 2018-ին ժողովուրդը մերժել է օլիգարխիկ համակարգը․ «Փորձում են ոչ թե կայանալ, այլ նմանակելով հեղաշրջում կամ հեղափոխություն անել: Հիմա իշխանությունը վերցնելու պայքար է, պետություն ստեղծելու պայքար չկա: Քաղաքական դաշտը իր արժեքներով չի համապատասխանում այն նպատակներին, որն ունենք: Որպես ժողովուրդ պետք է ստեղծել ինստիտուցիոնալ քաղաքական միավորներ»:
Արշակ Սարգսյանը կարծում է՝ ընդդիմության նպատակը երկրում քաոս ստեղծել, որից կօգտվեն արտաքին դերակատարները: