Ավստրիացի 80-ամյա տղամարդը 41 տարի շարունակ բռնաբարել է հարազատ դուստրերին` սպառնալով ֆիզիկական հաշվեհարդար տեսնել նրանց հետ: Հանցագործության մասին ոստիկանությանը հայտնել են տուժածները` 45 և 53 տարեկան կանայք, ովքեր պնդել են, որ տասնամյակների ընթացքում ծեծի են ենթարկվել և բռնաբարվել` գտնվելով փակված վիճակում իրենց տանը: Ըստ հանցագործի դուստրերի՝ իրենց մայրը, ով երկու տարի առաջ է մահացել, նույնպես ենթարկվել է բռնությունների:
Ինչպես հայտնում է տեղական Oberoesterreichische Nachrichten թերթը, որն առաջինն է տեղեկացրել զարհուրելի հանցագործության մասին, կանանց հաջողվել է փախուստի դիմել բռնաբարության վերջին փորձի ժամանակ:
Ըստ Associated Press-ի՝ 80-ամյա հանցագործը ներկայումս ազատության մեջ է, քանի որ ոստիկանությունում կարծում են, որ նա չի խուսափի քննությունից:
Ինչպես հայտնում է gazeta.ru-ն, այս դեպքը շատ նման է մեկ այլ հանցագործության, երբ Ավստրիայի մեկ այլ քաղաքացի Յոզեֆ Ֆրիցլը 24 տարի շարունակ նկուղում էր պահում դստերը և պարբերաբար բռնաբարում նրան: 2009 թ.-ին Ֆրիցլը ցմահ ազատազրկման դատապարտվեց: