Երկարաժամկետ կտրվածքով միայն արդյունաբերության զարգացումը կարող է հանգեցնել 7 տոկոս տնտեսական աճի: «Առաջին լրատվական»-ի հետ զրույցում նշեց «Ամբերդ» հետազոտական կենտրոնի փորձագետ/ տնտեսագետ Նարեկ Կարապետյանը:
Տնտեսագետը 7 տոկոս տնտեսական աճը որպես կանխատեսում այդքան էլ իրատեսական չի համարում․ «7 տոկոս աճ կարողացել են ապահովել այն երկրները, որոնք ակտիվորեն տնտեսական վերափոխումների փուլում են»: Տնտեսական ցուցանիշները՝ ըստ տնտեսագետի, լավատեսություն են ներշնչում․ «Վերջին ամիսների զարգացումներով պայմանավորված տնտեսական ակտիվությամբ բարձր մակարդակի վրա ենք: ՀՀ տնտեսական աճի շարժիչ ուժը ծառայություններն են եղել»:
Տնտեսագետի փոխանցմամբ՝ մինչև 100 հազար ռուսների ներհոսք ունենք, ովքեր գնողունակ են, որը լավ իմպուլս է մտցնում ՀՀ տնտեսություն:
