Հագուստի և կենցաղային ապրանքների մի քանի թուրքական ապրանքանիշներ մտադիր են մուտք գործել ռուսական շուկա։ Ընկերությունները բանակցություններ են վարում առևտրի կենտրոնների հետ՝ Ռուսաստանում adL, Mudo, LTB, Twist և Ipekyol ապրանքանիշների խանութներ բացելու համար։ Այս մասին գրում է «Իզվեստիա» թերթը՝ վկայակոչելով անշարժ գույքի և մանրածախ շուկայի մասնակիցներին։
Ըստ թերթի՝ ռուսական օպերատորները մի շարք խոշոր միջազգային խաղացողների կողմից Ռուսաստանում աշխատանքի դադարեցումից հետո հետաքրքրված են նոր ընկերությունների հետ համագործակցությամբ։ Ռուսաստանի Առևտրի կենտրոնների խորհրդի նախագահ Դմիտրի Մոսկալենկոն «Известия»-ին հաստատել է, որ ռուս օպերատորների և թուրքական ընկերությունների միջև բանակցություններն իսկապես ընթանում են։
