ՌԴ փոխարտգործնախարար Ալեքսանդր Գրուշկոն հայտարարել է, թե ՆԱՏՕ-ի գործընկերները, ամենայն հավանականությամբ, ստիպված կլինեն փոխզիջման գնալ Թուրքիայի հետ Շվեդիայի և Ֆինլանդիայի՝ դաշինք մտնելու հարցում, և Անկարայի մտահոգությունների վրա աչք չեն փակի:
Նրա խոսքով. «Ակնհայտ է, որ ո՛չ Բրյուսելում, ո՛չ Ստոկհոլմում, ո՛չ Հելսինկիում չեն կարողանա այդքան հեշտ մի կողմ դնել թուրքական կողմի մտահոգությունները: Չեմ կարծում, որ Անկարային կարելի է համոզել միայն ՆԱՏՕ-ի համերաշխության մասին փաստարկի միջոցով: Կարծում եմ, որ որոշ փոխզիջումներ կգտնվեն, որոնք կհամապատասխանեն Անկարայի ձևակերպված շահերին ու դիրքորոշումներին»:
Հիշեցնենք, որ Թուրքիայի նախագահ Ռեջեփ Թայիփ Էրդողանը մայիսի 16-ին հայտարարել էր, որ դեմ է Ֆինլանդիայի և Շվեդիայի անդամակցությանը ՆԱՏՕ-ին: