Պատմաբան, հնագետ, մշակութաբան Համլետ Պետրոսյանի փոխանցմամբ՝ ստեղծվել է Արցախի պատմամշակութային ժառանգության հետազոտության խումբ, որը ղեկավարում է հենց ինքը: Պետրոսյանի խոսքով՝ մեր իշխանությունները ավելի զգուշավոր են, վճռականություն մշակութային պահպանության ասպարեզում չեմ տեսնում․ «Մշակութային արժեքների պահպանության հարցում մշակված հայեցակարգ չունենք: Ռուսական կողմը չի կարող մշակութային ժառանգության հարցում միջնորդ լինել: Արցախում գորգերի թանգարանից նույնիսկ գորգերը գողացել են, բայց չենք կարող ասել ինչ չափով է Ադրբեջանի մոտ հայտնվել»: Մշակութաբանը կարծում է, որ պատմամշակութային ժառանագությունից հայ և ադրբեջանցի հասարակության մոտ կա նահանջ․ «Այն իրավիճակում ենք, որ ցանկացած միջազգային իրադարձություն պետք է օգտագործենք մեր խնդիրները առաջ մղելու համար:
Մշակութաբանը ցավով նշեց, որ երկորդ տարին է Թանգարանների միջազգային օրը հայաստանյան նախաձեռնություններում չի ընդգծվում մեր թանգարանի հսկա կորստի մասին․ «Թանգարանային հսկա կորուստ ունենք․ իրավունք չունենք կորցնել, հետո սկսել պարել: Ակադեմիական մակարդակով Արդբեջանը չունի Արցախի Տիգրանակերտը մերժելու որևէ ընթացակարգ»:
