Tuesday, 28 06 2022
13:03
Օրվա միտքը. Պուտինն արդեն պարտվել է
«Զանգեզուրի միջանցքին» հասնելու թուրք-ադրբեջանական նոր սցենարը
12:55
Live. «Առաջին լրատվական» տեղեկատվական-վերլուծական կենտրոն
12:54
Հնդկաստանի վարչապետը Եվրահանձնաժողովի ղեկավարի հետ քննարկել Է առեւտրական կապերի զարգացումը
Նախորդ տարվա նույն ժամանակահատվածի համեմատ զբոսաշրջիկների թիվն աճել է. Մեխակ Ապրեսյան
Գերմանիայում ՀՀ դեսպան Վիկտոր Ենգիբարյանն այցելել է Համբուրգ
Առաջիկայում հնարավորություն կունենամ ներկայացնելու Դատախազության բարեփոխումների մեր տեսլականը
Խորհրդարանում ընթանում է դատավորների թեկնածուների ընտրության քվեարկություն
«Պնդում եմ՝ ավիացիոն որևէ պատճառ չի եղել»․ Ինչու՞ Թուրքիայի ավիացիոն իշխանությունները «FLYONE ARMENIA»-ին «overflight»-ի հնարավորություն չեն տրամադրել
Flyone Armenia-ն չվերթեր կիրականացնի Երևան-Սանկտ Պետերբուրգ–Երևան երթուղով
Գիտակցում եմ՝ «ախր»-ներն ու «արդյոքներ»-ը ստվերի նման հետևելու են իմ յուրաքանչյուր քայլին. Աննա Վարդապետյան
12:30
Իսպանիայում հայտարարել են, որ Մադրիդում ՆԱՏՕ-ի գագաթնաժողովը չի ազդի առեւտրային չվերթների վրա
Հայաստանի ազգային հավաքականը ժամանել է Մալթա
600 միլիարդ դոլար. ինչ եղավ Հայաստանի 2,6 միլիարդը
12:00
Փոփոխություններ «Ղարաբաղ Տելեկոմ» ցանցում ռոումինգ ծառայության պայմաններում
Արարատ Միրզոյանը և Կատերինա Սակելլարոպուլուն քննարկել են տարբեր ոլորտներում փոխգործակցության հնարավորությունները
Ալեն Սիմոնյանն ընդունել է Ալեքսեյ Գորդեևի գլխավորած պատվիրակությանը
ԵԱՀԿ Մինսկի խմբի ռուս համանախագահը չի ընդունել Լեռնային Ղարաբաղի ապագան քննարկելու հրավերը
11:42
Ասամում հեղեղումների զոհերի թիվը հասել Է 135-ի. Hindustan Times
Տարադրամի փոխարժեք – Հունիսի 28, 2022
11:20
Իրանը BRICS-ին անդամակցելու հայտ Է ներկայացրել
Հայտնի է Ռուբինյան-Քըլըչ հանդիպման օրը
Նիկոլ Փաշինյանը շնորհավորական ուղերձ է հղել Վրաստանի վարչապետին
Ողբերգական դեպք Պռոշյանում. գյուղացին աստիճանից անզգուշաբար վայր է ընկել և մահացել
COAF-ի Դրամահաւաքի Ձեռնակը Արցախի Ի Նպաստ 125,000 Տոլար Գոյացուց
10:50
Բայդենը չպետք է շրջանցեր 907-րդ լրացումը. Կոնգրեսականները մտահոգված են ԱՄՆ կողմից Ադրբեջանին ռազմական օգնության տրամադրմամբ
Բացահայտվել է պետական դավաճանության ևս մեկ դեպք․ ԱԱԾ
10:30
Մեծ Բրիտանիան 12 մլն դոլար կհատկացնի ուկրաինական երկաթուղու վերանորոգման համար
Աննա Հակոբյանն այցելել է Կանն քաղաքում գտնվող Հայոց ցեղասպանության հուշարձան
10:10
Նավթի գներն աճել են. 27-06-22

ՀԱՊԿ-ը բարձրացրել է հայ-ռուսական հարաբերությունները նոր՝ դաշնակցային մակարդակի. ՌԴ դեսպանատան խորհրդական

Հայաստանի Հանրապետության և Ռուսաստանի Դաշնության երկկողմ հարաբերությունները զարգանում են ռազմավարական գործընկերության ոգով՝ դառնալով ավելի բազմակողմանի և ընդլայնված, Հավաքական անվտանգության պայմանագրի ստորագրման 30-ամյակին և Հավաքական անվտանգության պայմանագրի կազմակերպության (ՀԱՊԿ) ստեղծման 20-ամյակին նվիրված «ՀԱՊԿ-ի ներկան և ապագան» խորագրով միջազգային գիտաժողովի շրջանակում հայտարարեց ՀՀ-ում Ռուսաստանի Դաշնության դեսպանության խորհրդական Դմիտրի Պանտելինը՝ հիշեցնելով հայ-ռուսական հարաբերությունների պատմական խորը արմատները և քրիստոնեական այն ընդհանուր արժեքներն ու ժառանգությունը, որ կրում են թե՛ հայ, թե՛ ռուս ժողովուրդները:

«Ներկայումս մեզ համախմբում են առևտրատնտեսական, մշակութային-հումանիտար, գիտատեխնիկական լայն կապերը: Իսկ ռուս-հայկական փոխգործակցությունը ռազմական ոլորտում ուղղված է երկու պետությունների, Անկախ պետությունների համագործակցության հարավային թևի անվտանգության և Անդրկովկասում կայունության ապահովմանը», – նշեց ռուս դիվանագետը:

Խոսելով ՀԱՊԿ-ի նշանակության մասին՝ Դմիտրի Պանտելինը շեշտեց, որ 20 տարի առաջ հիմնադրված կազմակերպությունը բարձրացրել է հայ-ռուսական հարաբերությունները նոր՝ աննախադեպ բարձր, դաշնակցային մակարդակի և կուտակել է մեծ ներուժ անվտանգության նոր մարտահրավերներին ու սպառնալիքներին դիմակայելու համար:

«Մեր կազմակերպությունն ամրապնդվում է տարեց տարի՝ յուրացնելով անդամ պետությունների լավագույն փորձը», – ասաց Պանտելինը:

Ռուսաստանի դեսպանության խորհրդականը նաև հիշեցրեց, որ 2021 թ. սեպտեմբերի 16-ից ՀԱՊԿ Հավաքական անվտանգության խորհրդում նախագահում է Հայաստանը, որին բաժին ընկավ բավական բարդ և պատասխանատու ժամանակաշրջան, որի ընթացքում 2022 թ. հունվարին տեղի ունեցան հայտնի դեպքերը ՀԱՊԿ անդամ Ղազախստանում: Եվ հենց Հայաստանի նախագահությամբ որոշում ընդունվեց խաղաղապահ առաքելություն ուղարկել Ղազախստան՝ ներքին իրավիճակը կայունացնելու նպատակով:

«Ղազախստանում ՀԱՊԿ-ի իրականացրած խաղաղապահ գործողությունը հաստատեց անդամ պետություններում անվտանգությունը արդյունավետորեն ապահովելու հավաքական ուժերի պատրաստականությունը և ցույց տվեց միջազգային հանրությանը կազմակերպության գործունակությունը», – ընդգծեց ՌԴ դեսպանության խորհրդականը:

Հայաստանը նախագահում է ՀԱՊԿ Հավաքական անվտանգության խորհրդում 2021 թ. սեպտեմբերի 16-ից մեկ տարի ժամկետով:

2022 թ. հունվարի 2-ից Ղազախստանի մի շարք բնակավայրերում գազի գների բարձրացման պատճառով սկսվել էին բողոքի ակցիաներ, որոնք օրերի ընթացքում վերածվեցին զանգվածային անկարգությունների, հարձակումներ իրականացվեցին պետական մարմինների վրա: Հունվարի 5-ին, երբ մի քանի օր շարունակվող բողոքի ցույցերն արդեն վերաճել էին անկարգությունների և զինված բախումների, ՀՀ վարչապետ Նիկոլ Փաշինյանը, որպես ՀԱՊԿ Հավաքական անվտանգության խորհրդի նախագահ, Ղազախստանի նախագահ Կասիմ-Ժոմարտ Տոկաևի խնդրանքով անհապաղ խորհրդակցություններ սկսեց ՀԱՊԿ անդամ երկրների ղեկավարների հետ Ղազախստանում տիրող իրավիճակի վերաբերյալ և արդեն հունվարի 6-ին տեղեկացրեց, որ Ղազախստանի նախագահի դիմումի հիման վրա որոշում է կայացվել Հավաքական անվտանգության պայմանագրի 4-րդ հոդվածի համաձայն սահմանափակ ժամանակահատվածով Ղազախստան ուղարկել ՀԱՊԿ հավաքական խաղաղապահ ուժեր՝ այդ երկրում իրավիճակի կայունացման և կարգավորման նպատակով: Նույն օրը ՀՀ կառավարությունը ընդունեց որոշում, որով թույլատրվում էր ՀԱՊԿ անդամ պետությունների խաղաղապահ զորախմբերում ընդգրկված ՀՀ զինված ուժերի ստորաբաժանմանը մասնակցել Ղազախստանում իրականացվող խաղաղապահ գործողություններին: ՀԱՊԿ Հավաքական անվտանգության խորհրդի որոշման համաձայն հունվարի 7-ին սահմանափակ ժամանակահատվածով Ղազախստան ուղարկվեցին ՀԱՊԿ հավաքական խաղաղապահ ուժեր, որոնց մեջ ընդգրկված էր 100 հայ զինծառայողից բաղկացած ՀՀ ԶՈՒ ստորաբաժանումը:

Հավաքական անվտանգության մասին պայմանագիրը ստորագրվել է 1992 թ. մայիսի 15-ին Ուզբեկստանի մայրաքաղաք Տաշքենդում Հայաստանի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի ղեկավարների կողմից: Ավելի ուշ պայմանագրին են միացել նաև Ադրբեջանը, Բելառուսը և Վրաստանը: Պայմանագիրը ուժի մեջ է մտել մասնակից պետություններում հաստատման ընթացակարգերն անցնելուց հետո՝ 1994 թ. ապրիլի 20-ին: Սակայն հետագայում Ադրբեջանը, Վրաստանը և Ուզբեկստանը դուրս են եկել պայմանագրից: 2002 թ. մայիսի 14-ին Մոսկվայում Հավաքական անվտանգության խորհրդի ընդունած որոշմամբ ստեղծվել է Հավաքական անվտանգության պայմանագրի կազմակերպությունը (կրճատ՝ ՀԱՊԿ), որին անդամակցում են Հայաստանը, Բելառուսը, Ռուսաստանը, Ղազախստանը, Ղրղզստանը և Տաջիկստանը:

Հավաքական անվտանգության պայմանագրի ստորագրման և ՀԱՊԿ-ի ստեղծման տարեդարձերի առիթով ԵՊՀ Միջազգային հարաբերությունների ֆակուլտետի Ռուսաստանյան հետազոտությունների կենտրոնը «Ինտեգրացիա և զարգացում» հետազոտության և վերլուծության հասարակական կազմակերպության և Եվրասիական փորձագիտական ակումբի հետ համատեղ այսօր՝ մայիսի 26-ին, կազմակերպել էր միջազգային մեծ գիտաժողով՝ «ՀԱՊԿ-ի ներկան և ապագան. Հավաքական անվտանգության պայմանագրի 30-ամյակը և կազմակերպության ստեղծման 20-ամյակը» խորագրով: Գիտաժողովին մասնակցում էին ՀՀ-ում Ռուսաստանի, Ղազախստանի, Բելառուսի դիվանագիտական ներկայացուցիչները, ՀՀ Ազգային ժողովի և Պաշտպանության նախարարության ներկայացուցիչները, ինչպես նաև գիտնականներ, փորձագետներ, վերլուծաբաններ, նախկին զինվորականներ Հայաստանից, Բելառուսից, Ղազախստանից, Ղրղզստանից, Տաջիկստանից և Ռուսաստանից:

Բաժիններ
Ուղիղ
Լրահոս
Որոնում