ՀՀ տիեզերական առաջին արբանյակը դուրսբերումը Երկիր մոլորակի ուղեծիր Ռազմաքաղաքական հարցերով փորձագետ Արմինե Մարգարյանը համապետական նշանակության իրադարձություն է համարում․«ՀՀ տիեզերական արբանյակը կարող է մեզ համար կարևոր հարցեր լուծել: ՀՀ տիեզերական արբանյակը կարևոր ներդրում է սահմանային պաշտպանության հարցում: Արբանյակով մեր տեսադաշտի շրջանակում կպահենք բոլոր տեղաշարժերը»:
Մարգարյանի խոսքով՝ արբանյակը հնարավորություն է տալու բանակցությունների ընթացքում փաստել՝ ով է հրադադարը խախտել․ «Տիեզերական արբանյակը Հայաստանի համար ամուր դիրքերի հնարավորություն է»:
Անդրադառնալով բրյուսելյան հանդիպմանը, փորձագհետը նկատեց, որ Բրյուսելում կոնստրուկտիվ հարթակ է ձևավորվել, որը չի հակասում նաև մոսկովյան հարթակին․ «Բրյուսելյան այս հանդիպմանը երեք կետով արձանագրումներ են արվել, դա արդեն մի քանի քայլ առաջ է: Միրզոյանը լեգիտիմ դիրքորոշում հայտնեց՝ մենք չենք կարող մեզ թույլ տալ վակուում: Մենք չենք մերժում մոսկովյան հարթակը, պետք է օգտվենք բոլոր հնարավոր հարթակներից»:
