Երևանի մամուլի ակումբի նախագահ Բորիս Նավասարդյանը կարծում է, որ Հայաստանում մեդիան առանց պետական քաղաքականության չի կարող զարգանալ․ «Անվտանգության հարց է, մեդիա դաշտում պետական քաղաքականություն է պետք: Որակյալ լրագրությունը առայժմ Հայաստանում ձևավորված չէ»: Ըստ Նավասարդյանի՝ մեդիագրագիտությանը զուգահեռ պետք է մտածել հասարակության քաղաքական գրագիտության մասին․ «Հայաստանի վարչապետը մինչ օրս չունի խոսնակ, սա խնդիր է: Ընդդիմության նպատակը լեգիտիմ է, կարողանում է գտնել միջոցներ՝ հանրային անհանգստությունը խորացնելու համար»:
Վերլուծական-փորձագիտական դաշտի հետ կապված Նավասարդյանը խնդիրներ է տեսնում․ «Շատ քաղաքականացված ենք: Կտրուկ նվազել է հայ փորձագիտական մտքի տարածումը միջազգային հարթակում»: