Իսրայելը և Թուրքիան պատրաստ են Իսրայելի արտգործնախարար Յաիր Լապիդի այցի ընթացքում գնահատել երկու երկրների դեսպանների նշանակման հնարավորությունը։ Այս մասին Իսրայել կատարած այցի ժամանակ հայտարարել է Թուրքիայի արտգործնախարար Մևլութ Չավուշօղլուն։
«Մենք պայմանավորվել ենք մեր նախարարությունների և համապատասխան պետական կառույցների միջև վերսկսել տեխնիկական հանդիպումները: Մենք որոշել ենք Լապիդի՝ Թուրքիա այցի ընթացքում գնահատել Իսրայելի հետ փոխադարձ դեսպանների նշանակման հարցը», – «Միլլիեթ» պարբերականի փոխանցմամբ, ասել է Չավուշօղլուն։
