ԱՄՆ բենզալցակայաններում բենզինի արժեքը կրկին թարմացրել է պատմական ռեկորդը՝ միջինը 4,598 դոլար մեկ գալոնի համար (3,785 լիտր): Այս մասին հայտնում է gazeta.ru կայքը՝ վկայակոչելով Ամերիկյան ավտոմոբիլային ասոցիացիայի (AAA) տվյալները։
«Ռեգուլյար» տեսակի բենզինի մեկ գալոն գինը նախորդ օրվա համեմատ թանկացել է երկու ցենտով։ Ամենաթանկ վառելիքը եղել է Կալիֆորնիա նահանգում։ Այնտեղ վառելիքի մեկ գալոնն արժե միջինը 6069 դոլար:
Ասոցիացիան հայտնում է, որ դիզելային վառելիքի արժեքն աճել է մինչև 5,549 դոլար մեկ գալոնի դիմաց։
Մեկ տարի առաջ ԱՄՆ-ում բենզինը միջինը կազմում էր 3 դոլար մեկ գալոնի դիմաց: Գինը վերջին մի քանի ամիսների ընթացքում աճում է նավթի գների աճի ֆոնին։ Հատկապես վառելիքի գների կտրուկ աճը վերջին շաբաթներին՝ թարմացնելով պատմական բարձր ցուցանիշները:
Սպիտակ տանը վառելիքի թանկացումը բացատրում են Ուկրաինայի շուրջ ստեղծված իրավիճակով։ ԱՄՆ-ն ամբողջությամբ դադարեցրել է ռուսական նավթի և հեղուկ բնական գազի գնումը։
