Փողոցային անհնազանդության շարժում իրականացնող խորհրդարանական ընդդիմության մի խումբ պատգամավորներ մայիսի 24-ի առավոտյան ներխուժել են ԱԳՆ շենք և փոխնախարարից պահանջել, որպեսզի հայտարարի, որ «Արցախը չի լինելու Ադրբեջանի կազմում»: Նախ, մի կողմ թողնենք այն հանգամանքը, որ խորհրդարանի պատգամավորները փաստացի օգտագործելով մանդատից բխող իրավունքները և արտոնությունը, կատարում են դե ֆակտո խուլիգանություն՝ ներխուժելով գործադիր իշխանության մի կառույց, որի փաստացի կարգավիճակը հավասարեցված է ընդհուպ անվտանգության կառույցի կարգավիճակի: Հայաստանի ԱԳ նախարարը անվտանգության խորհրդի անդամ է: Թեմայի շուրջ «Առաջին լրատվական»-ը զրուցել է ԻՔՄ ծրագրերի համակարգող Դանիել Իոաննիսյանի և սոցիոլոգ Կարեն Սարգսյանի հետ:
Զրուցակիցների բնորոշմամբ՝ ԱԳՆ շենքում տեղի ունեցածը խուլիգանություն է, պետական հանցագործություն․ «ՀՀ վարչապետին արտաքին հարցերում «պադնոշկա» տալը ստորություն է»:
