ԿԺԴՀ-ի իշխանություններն անցած օրը տենդի ախտանիշներով առավազն 134 510 մարդ են հայտնաբերել, այդ դեպքերի ընդհանուր թիվն ապրիլի վերջից կորոնավիրուսի տարածման ֆոնին կազմել Է ավելի քան 2,94 միլիոն: Մայիսի 24-ին այդ մասին հաղորդել Է Yonhap գորակալությունը՝ վկայակոչելով Կորեայի կենտրոնական հեռագրական գործակալությունը (ԿԿՀԳ):
Տենդով հիվանդների ընդհանուր թվից ապաքինվել Է 2,54 միլոն բնակիչ, 400 հազարը բուժում Է անցնում: Անցած օրը ոչ ոք չի մահացել, մահվան դեպքերի ընդհանուր թիվը մնացել Է 68-ի մակարդակում: Ինչպես կարծում են Սեուլում, ԿԺԴՀ-ի իշխանությունները, ենթադրաբար, տենդի ախտանիշներով անձանց վիճակագրություն են վարում զանգվածային թեստավորման եւ COVID-19-ի ստույգ հայտնաբերման սահմանափակ հնարավորությունների պատճառով:
«Հակահամաճարակային պայքարի համակարգի առավելագույն մակարդակի սահմանումից հետո մի քանի օր անց հիվանդացությունն ու մահացությունը կտրուկ նվազել են, իսկ ապաքինվածների թիվն աճել Է, ինչը հանգեցրել Է համավարակի տարածման նկատմամբ արդյունավետ վերահսկողության եւ կայուն իրադրության պահպանման»,- ասված Է ԿԿՀԳ-ի հաղորդագրության մեջ: Հիվանդացածների օրական աճն օրական 200 հազարից պակաս Է երրորդ օրն անընդմեջ: ԿԺԴՀ-ի բնակչությունը մոտավորապես 24 միլիոն Է, գրում Է Yonhap-ը, հաղորդել Է ՏԱՍՍ-ը:
