ԵՄ-ն փորձում է որոշակի դերակատարում ստանձնել տարածաշրջանում: «Առաջին լրատվական»-ի հետ զրույցում նշեց ԼՂ ԱԳ նախկին նախարար Արման Մելիքյանը:
«Թե ինչ կշահի ստեղծված իրավիճակից Հայաստանը պարզ չէ, թե ինչ կշահի Ադրբեջանը` պարզ է», -նշում է Մելիքյանը:
Մելիքյանը կարծում է, որ Ռուսաստանի համար ԵՄ հայտնությունը հարմար մի բան է. «Առանց Ռուսաստանի` Ադրբեջանը դեպի Եվրոպա իր էներգակիրները տարանցելու ցանկությունը դժվար կարողանա իրականացնել: Հայաստանն է, որ պատերազմական սպառնալիք է ներկայացնում և կարող է խախտել Եվրոպային ուղղված մատակարարումները:Այն զիջումները, որ պարտադրվելու են Հայաստանին` ընդհանուր համերաշխության ֆոնին տեղի կունենան»:
Տարածաշրջանում, Արման Մելիքյանի կանխատեսմամբ սպասվում են նոր զարգացումներ, կոնֆլիկտածին նոր օջախներ կբացվեն. «Մենք կանգնած ենք հարևան Իրանում և Կենտրոնական Ասիայում խոշոր կոնֆլիկտների ծագման մարտահրավերի առաջ»:
