Արդարադատության հարցերով եվրահանձնակատար Դիդիե Ռեյնդերսը բելգիական RTL հեռուստաալիքի եթերում հայտնել է, որ Լեհաստանից պահում արված տուգանքի ընդհանուր գումարը, կապված Եվրոդատարանի կողմից Լեհաստանի Գերագույն դատարանի կարգապահական պալատի գործունեությունը կասեցնելու որոշման չկատարման հետ, գերազանցել է 100 միլիոն եվրոն։
Կարգապահական պալատը ստեղծվել է Լեհաստանում՝ 2017 թվականին իշխող «Օրենք և արդարություն» կուսակցության նախաձեռնությամբ։ Այս կառույցի հայտնվելն անհանգստություն է առաջացրել Եվրամիությունում՝ կապված դատավորների անկախության սկզբունքի հնարավոր խախտման հետ։
2020 թվականին ԵՄ դատարանը այս մտահոգությունները արդարացված ճանաչեց և պարտադրեց Լեհաստանին՝ անհապաղ դադարեցնել Գերագույն դատարանի Կարգապահական պալատի գործունեությունը։ 2021 թվականի հոկտեմբերին ԵՄ դատարանը Լեհաստանի նկատմամբ օրական 1 միլիոն եվրո տուգանք է կիրառել, քանի դեռ այդ կառույցը վերացնելու որոշումը դեռ չի կայացվել։
