Կարծում եմ ամբողջությամբ լեգիտիմ է հանրության, քաղաքացիների կողմից անհատապես առանձին դատավորների նկատմամբ ունեցած դժգոհությունները և դրանով պայմանավորված վրդովմունքը, որ նրանց աշխատավարձը բարձրանալու է: Այս մասին «Առաջին լրատվական»-ի հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Արուսյակ Ջուլհակյանը՝ անդրադառնալով նրան, որ ՍԴ-ի և Վճռաբեկ դատարանի դատավորների վարձատրման համակարգի վերանայվում է:
«Այս առումով ուզում եմ ասել, որ իշխող մեծամասնությունը, կառավարությունը փորձում են հարցերին մոտենալ ինստիտուցիոնալ կերպով և համակարգային հարցեր դնել իրենց առաջ, ոչ թե անհատական մոտեցումներ ցուցաբերել: Որովհետև եթե խոսում են ինստիտուտների զարգացման մասին, մենք, իհարկե, ուշադրություն դարձնելով այդ ինստիտուտներում աշխատող մարդկանց, միաժամանակ չենք կարող նաև երևույթները ուշադրության չարժանացնել: Եթե մենք ուզում ենք զարգացնել ինստիտուտը, պետք է այդ ինստիտուտի զարգացմանն ուղղված գործիքակազմ կիրառենք»,-ասաց նա:
