Հայաստանը ժողովրդավար երկիր է, բայց զարգանալու տեղ ունի: «Առաջին լրատվական»-ի հետ զրույցում նշեց Եվրոպական ինտեգրման հարցերի մշտական հանձնաժողովի նախագահ, ԱԺ «Քաղաքացիական պայմանագիր» խմբակցության պատգամավոր Արման Եղոյանը:
Պատգամավորի խոսքով` Ընդդիմությունը օգտվում է ժողովրդավարական գործիքներից, որն իրենց օրոք չկար. «Ընդդիմության պահվածքը չի կարող ազդել ժողովրդավարական գործընթացների վրա: Հայաստանում արևմտյան և արևելյան քաղաքակրթությունների բախում չէ: Այնպես չէ, որ մի փողոց փակեցիր` հեղափոխություն կլինի»:
Անդրադառնալով արցախյան հարցով բանակցային գործընթացին և վերջին հայտարարություններին, պատգամավորը նշեց` ապրիլյան պատերազմից հետո ստատուս քվոն խախտվել է. «Սանդղակը ամենաակներև ձևով իջեցվել է 2016-ին` Լավրովի պլանի շրջանակում: Ժամանակն է բաց խոսել` Սերժ Սարգսյանը բանակցային սեղանից հեռացել է 2018-ին: Տարածքները պետք է հանձնվեին առանց կարգավիճակի ճշգրտման. դրան պատրաստ չէր ոչ Սերժ Սարգսյանը, ոչ` մենք: Սերժ Սարգսյանը չմտավ այն բեռի տակ, որին հանգեցրել էին ինքն ու Քոչարյանը»: