Ֆուտբոլի Հայաստանի ազգային հավաքականի գլխավոր մարզիչ Խոակին Կապառոսն առաջիկա օրերին կհրապարակի այն ֆուտբոլիստների անունները որոնք հրավիրվելու են նախապատրաստվելու Ազգերի լիգայի խաղարկության շրջանականերում հունիսին կայանալիք 4 հանդիպումներին։ Հունիսի 4-ին Հայաստանի հավաքականը Վազգեն Սարգսյանի անվան «Հանրապետական» մարզադաշտում կհյուրընկալի Իռլանդիային, իսկ 4 օր անց Գլազգոյում կմրցի Շոտլանդիայի հետ։ Արդեն 11-ին Հայաստանի ազգային թիմը Լեհաստանի Լոձ քաղաքի «Միեյսկի» մարզադաշտում,կմրցի Ուկարինայի ազգայի թիմի հետ, իսկ հունիսի 14-ին Երևանում կհյուրընկալի Շոտլանդիային։ Նշենք, որ նման խիտ գրաֆիկով Հայաստանի հավաքականը երբևէ չի խաղացել։ Բնական է, որ 10 օրում 4 հանդիպում անցկացնելու համար Կապառոսին անհրաժեշտ է այսպես ասած լայն «գործիքակազմ»։ Սպասվում է, որ առաջիկա հանդիպումներին մեր հավաքականում կլինեն նոր անուններ, մասնավորապես Ռուսաստանից։ Այն բանից հետո երբ ՖԻՖԱ-ն և ՈւԵՖԱ-ն այս Ռուսաստանի բոլոր հավաքականներին զրկեցին միջազգային մրցաշարերին մասնակցելու իրավունքից, այս երկրում ելույթ ունեցող հայազգի մի շարք ֆուտբոլիստներ ցանկություն հայտնեցին խաղալու Հայաստանի հավաքականում։ Մոտ մեկ ամիս առաջ ռուսական «Վելեսի» կիսապաշտպան Արթուր Գալոյանին շնորհվել էր ՀՀ քաղաքացիություն, ինչը նրան թույլ կտա հանդես գալ Հայաստանի ազգային հավաքականում: Սպասվում է, որ Գալոյանը ազգային թիմու նորամուտը կշնի առաջիկա հանդիպումներից մեկում։
Արթուր Գալոյանը ծնվել է 1999 թվականի հունիսի 25-ին՝ Մոսկվայում։ Ֆուտբոլային ուղին սկսել է ռուսական «Տորպեդոյի» դպրոցում։ Հենց «Տորպեդոյում» էլ կայացել է Արթուրի նորամուտը պրոֆեսիոնալ ֆուտբոլում։ Գալոյանը 2020 թվականին «Տորպեդոյից» տեղափոխվել է Ռուսաստանի ՖԱԼ-ը ներկայացնող «Վելես» ակումբ, որտեղ հանդես է գալիս մինչ օրս։ Ըստ Տրանսֆերմարկետ պարբերականի Գալոյանի տրանսֆերային արժեքը 800 հազար եվրո է։ Մամուլում տարածված տեղեկությունների համաձայն Ռուսասատանում ելույթ ունեցող ևս երկու ֆուտբոլիստեր կհամալրեն Հայաստանի ազգային թիմի շարքերը։ Մասնավորապես, Մոսկվայի ԲԿՄԱ-ի 19-ամյա կիսապաշտպան Էդուարդ Բագրինցևը Հայաստանի ազգային հավաքականին կմիանա մայիսի վերջին՝ Ազգերի լիգայի խաղարկությանն ընդառաջ։ Նշվում է, որ ներկայումս ֆուտբոլիստը ամիսներ առաջ սկսել էր զբաղվել հայկական անձնագիր ստանալու փաստաթղթերի ձևակերպման գործըթնացով։ Ըստ ռուսական ԶԼՄ-ների ՀՖՖ-ն ավելի վաղ կապվել էր Բագրինցևի հետ ու առաջարկել նրան հանդես գալ հավաքականում։ Նշենք, որ Բարգրինցևը հանդես է եկել Ռուսաստանի Մ-15, Մ-16, Մ-17 և Մ-19 տարեկանների հավաքականներում, որտեղ ընդհանուր առմամբ անցկացրել է 33 հանդիպում՝ դառնալով 8 գոլի հեղինակ։Բագրինցևը ԲԿՄԱ-ի ակադեմիայի սան է և հիմնականում հանդես է եկել Ռուսաստանի երիտասարդական առաջնությունում, որտեղ անցկացրած 18 խաղում դարձել է 5 գոլի հեղինակ։
Նա նաև ԲԿՄԱ-ի հիմնական կազմում մեկ հանդիպում է անցկացրել Ռուսաստանի գավաթի խաղարկությունում։ Նա հանդիսանում է Մոսկովյան ակումբի ամենահեռանկարային ֆուտբոլիստներից մեկը։Բագրինցևի տրանսֆերային արժեքը կազմում է 175 հազար եվրո։ Ապրիլին մամաուլում տեղեկություն էր տարածվել նաև որ «Արարատ-73»-ի լեգենդար պաշտպան Ալեքսանդր Կովալենկոյի թողը՝ Ալեքսանդր Կովալենկոն ևս ցանկություն է հայտնել ելույթ ունենալու Հայաստանի հավաքականում։ 18-ամյա ֆուտբոլիստը խաղում է Սամարայի «Կռիլյա Սովետովում» և դասվում է ռուսական բարձրագույն լիգայի հեռանկարային ֆուտբոլիստների շարքում։ Ալեքսանդր Կովալենկոյի մայրը հայուհի է, իսկ հայրը՝ կիսով չափ է հայ։ Ալեքսանդր Կովալենկոյի տրանսֆերային արժեքը կազմում է 100 հազար եվրո։ Սպասվում էր, որ Ազգերի լիգայի խաղարկությունում Հայաստանի հավաքականում կտեսնենք նաև Մոսկվայի «Լոկոմոտիվի» պաշտպան Նարիր Տիկնիզյանին, բայց․․․։
«Հայաստանի հավաքականը պարբերաբար դիմում է Տիկնիզյանին, որպեսզի նա խաղա իրենց հավաքականում։ Վերջին անգամ դիմել են մի քանի շաբաթ առաջ։ Բայց Տիկնիզյանի մոտ դեռ ոչինչ չի փոխվել իր որոշման մեջ։ Նա տրամադրված է խաղալու Ռուսաստանի հավաքականում»,- championat.com-ին տված հարցազրույցում ասել էր ֆուտբոլիստի գործակալ Ալեքսանդր Կլյուեւը։ Տիկնիզյանը ծնվել է Սանկտ Պետերբուրգում։ 2016-2021-ին եղել է Մոսկվայի ԲԿՄԱ-ի խաղացող։ Նա հանդես է եկել Ռուսաստանի մինչեւ 19, 20, 21 տարեկանների հավաքականներում։