Հայաստանին սոցիալ-տնտեսական առումով չափազանց ծանր օրեր են սպասում: Միջազգային տնտեսական կառույցներն արդեն իսկ ահազանգում են ռուս-ուկրաինական ճգնաժամի հետեւանքով համաշխարհային տնտեսության աճի տեմպերի դանդաղեցման մասին:Եվրահանձնաժողովի վերջին կանխատեսումների համաձայն՝ ընթացիկ տարում աշխարհում ՀՆԱ-ն կաճի ոչ թե պլանավորված 5,7%-ի չափով, այլ ընդամենը` 3,2%-ով: Ըստ այդմ՝ Եվրագոտում ՀՆԱ-ի աճը կլինի 2,7%` 4%-ի փոխարեն, ԱՄՆ-ում` 2,9%` 3,8%-ի փոխարեն։ Իսկ ահա Ռուսաստանի տնտեսության անկումը կանխատեսված 3.9%-ի փոխարեն կլինի 10,4%։ Թե ինչ ազդեցություն այն կունանա Հայաստանի տնտեսության վրա, ինչ զարգացումներ այսօր ունենք այս ուղղությամբ, թեմայի շուրջ «Առաջին լրատվական»-ը զրուցել է «Ամբերդ» հետազոտական կենտրոնի հետազոտող, տնտեսագիտության թեկնածու Ալբերտ Հայրապետյանի հետ: