Իսպանիայի ամենահայտնի ազնվականներից մեկը` 85-ամյա դքսուհի Ալբան պատրաստվում է ամուսնանալ սոցիալական ապահովության ոլորտում աշխատող 60-ամյա Ալֆոնսո Դիեսի հետ: Նախատեսվում է, որ այս տարվա հոկտեմբերին կկայանա հարսանեկան արարողությունը:
85-ամյա դքսուհու ամուսնության հարցը լայն քննարկվում է իսպանական մամուլում: Հատկանշական է, որ Ալբայի ընտանիքը դեմ է եղել այս ամուսնությանը: Նրանք կարծում են, որ Դիեսին պետք են Ալբայի փողերը: Այս հակասությունները կանխելոև համար Ալբան հրաժարվել է իր կարողությունից` ողջ գումարը բաշխելով 5 որդիների ու դուստրերի, ինչպես նաև 8 թոռների միջև:
Ըստ լրատվամիջոցների` դքսուհու ընդհանուր կարողությունը տատանվում է 600 միլիոնից մինչև 3.5 մլրդ դոլարի միջև: Միայն ժառանգությունը նախապես բաշխելուց հետո՝ Ալբայի բարեկամները հավանություն են տվել ամսունությանը:
Դքսուհին արդեն երրորդ անգամ է ամուսնանում: Առաջին անգամ պսակադրությունը տեղի է ունեցել, երբ նա 21 տարեկան էր:
