Իլհամ Ալիևը Լիտվայի նախագահ Գիտանաս Նաուսեդայի հետ հանդիպմանը հայտարարել է, որ Ադրբեջանը ցանկանում է խաղաղության պայմանագիր կնքել Հայաստանի հետ։ «Մենք լայնորեն քննարկել ենք նաև տարածաշրջանում տիրող իրավիճակը, Ադրբեջանի և Հայաստանի միջև հարաբերությունների կարգավորման գործընթացը։ Ես գիտեմ, որ Ադրբեջանից հետո նախագահը կայցելի Հայաստան։ Համոզված եմ, որ այս այցի ավարտից հետո նա կունենա ամբողջական պատկեր։ Բայց մեր դիրքորոշումը շատ հստակ է. Մենք ցանկանում ենք խաղաղության պայմանագիր կնքել Հայաստանի հետ, ցանկանում ենք կարգավորել հարաբերությունները և շրջել թշնամության էջը»,- հայտարարել է Իլհամ Ալիևը։
