Նիդերլանդների արտգործնախարար Վոպկե Հոկստրան և նրա ուկրաինացի գործընկեր Դմիտրի Կուլեբան, ովքեր մայիսի 17-ին ժամանել են Հաագա, քննարկել են Կիևին զենք մատակարարելու և Ռուսաստանի Դաշնության դեմ պատժամիջոցների հարցը։ Այս մասին հայտնում է «ՌԻԱ Նովոստի»-ն՝ վկայակոչելով Նիդերլանդների ԱԳՆ-ի տարածած հայտարարությանը։
«Կուլեբան իր հոլանդացի գործընկեր Հուկստրայի հետ քննարկել է Ուկրաինայի ներկայիս իրավիճակը և Նիդերլանդների կողմից Ուկրաինային տրամադրվող աջակցությունը, մասնավորապես՝ Ռուսաստանի դեմ պատժամիջոցները, զենքի մատակարարումները, մարդասիրական և ֆինանսական օգնությունը», – նշել է Նիդերլանդների ԱԳՆ-ն։
Դիվանագետները քննարկել են նաև ուկրաինական ռազմական հակամարտության ընթացքում ռազմական հանցագործություններ կատարելու մեջ կասկածվող ռուսաստանցիների դատական հետապնդումը։
Նշվում է, որ Կուլեբան հետագայում կհանդիպի Նիդերլանդների վարչապետ Մարկ Ռյուտեի, պաշտպանության նախարարի, ֆինանսների նախարարի և այլ նախարարների հետ։
